KORINTUS 1 10:12 - Alkitab Singog In Mongondow Masa In Tanaa

¹² Bo intau inta monganggap moropot in sia, musti mokopopia; dika bo moḷabú.

KORINTUS 1 10:12 Referans Kwoze

SURAT I PAULUS KON JAMAAT RUM 11:20

Totuubí intua. Táe mosia in iḷumbú sin diá mopirisaya, bo Moiko in sinarima sin mopirisaya. Dá tuamai in dikabí dumodia in Moiko sin sinarimadon; Moiko in mustibí motoguondok.

PETRUS 2 3:17

Táe moiko utat mita inta kinotabiku, kinotaauan bidon monimu intua. Tuamai mokopoingat sinbá moiko in diá moidudui kon aid in intau mita moraat tatua bo inta diá doman nonotaau in hukum, bo moiko in moḷabú nongkon dodoyonan kobiagan monimu inta moroton.

AMSAL 16:18

Aid moḷoḷatú mokopopisí kon korimumudan; mododia mokopopisí kon korumbunan.

KORINTUS 1 8:2

Intau inta monganggap kon nobayongdon in kinotaauannea, sabanarnea in diábí nonotaau totok in sia.

AMSAL 28:14

Horomatbí tantú in ki Tuhan, dá mosanang in iko. Aka iko moḷawang kon i-Nia, moboditobí in iko.

LUKAS 8:18

Manangka intua yo tarukiraai kopira onu inta ain dinongog monimu. Sin aka ki ine in oyúondon, yo kon inia tua in dugangan doman bui; táe ki ine in diápa, yo onu in oyúonpa kon inia gamáan domandon nongkon inia.”

KOLOSE 2:8

Mustibí mokopoingat in moiko, dikabí modapot in oyúon in mokodondouḷug kon i monimu takin raian mita inta tongá pinodoyon kon pandoi in intau inta diá in baragunanea, táe tongá mokopoyaying kon pirisaya. Raian mita tatua in deemanbí nongkon i Kristus, táe tongábí nongkon raian in intau bo nongkon roho mita inta nongawasa kon dunia.