KOLOSE 4:3 - Alkitab Singog In Mongondow Masa In Tanaa

³ Sambayangai doman in kami sinbá ogoian i Allah in kasampatan mopia kon mopotaa-taau mako in habar soaḷ inta noibuni kon i Kristus. Inta lantaran soaḷ tatuata dá tanaa mako akuoi binonu kon ponjara.

KOLOSE 4:3 Referans Kwoze

OUMAN IN RASUL MITA 14:27

Naonda in noiyaputdon kon Antiokhia, nodait monia sinipun in bayongan jamaat, bo pinongongumanan kon onu inta aindon inaidan i Allah kon i monia. Bo inouman doman monia in totuḷung i Allah nobuká kon daḷan nodapot in intau mita inta deeman Yahudi nopirisaya kon i Yesus.

KOLOSE 1:26

habar inta noonggotdon totok in binuni-buni mako i Allah kon bayongan intau, táe tanaa in pinoontong-Neadon kon umat-Nea.

KORINTUS 2 2:12

Kon wakutu in noiyaputdon kon Troas sin makusud mopoyaput in Habar Mopia soaḷ ki Kristus, akuoi in inogoian i Tuhan in daḷan mogaid kon tua.

TIMOTIUS 2 2:9

Bo lantaranbí nopotaau in Habar Mopia tanaa dá akuoi in nokouḻí kon roriga, nodapot in sinokig naonda bo intau moraat, táe pirman i Allah in diábí motaau tokigon monia ná akuoi.

PILIPI 1:7

Totuubí kon diábí moitaḷá in raianku tanaa kon i monimu, sin moiko umuran kon gina-ginaku mako, popisí in moiko ain nokouḻí domandon kon totabi bo barakat i Allah inta inogoi kon inakó; kon tungkuḷ in akuoi kon bonupa in ponjara tanaa mako ande kon tungkuḷ in kon ḷuaidon mobela kon kinobobanar in Habar Mopia tatua.

EPESUS 4:1

Manangka intua akuoi – saḷaku intau inta pinonjara sin nogaid kon oaidan i Tuhan – mopoigum totok kon i monimu: sinbá moiko, intau inta inoinídon in kobiag domandon ná inta kaadaanmu saḷaku intau inta inoiní i Allah.

KORINTUS 1 16:9

Sin moantó in kasampatanku kon naa in mogaid kon oaidan mita inta baraguna, umpaka mobayong doman in intau momayow.

KORINTUS 1 4:1

Anggapbí in kami naa mogogaid mita kon oaidan i Kristus inta motanggung jawab mopotaau in tomayá mita i Allah inta diápa kinotaauan in bayongan intau kon dunia naa.

TESALONIKA 1 5:25

Uḻe utatku mita, tantú sambayangai in kami!

MATIUS 13:11

Ki Yesus notubag, “Moiko aindon inogoian in totabi monotaau kon rahasia kon naonda in ki Allah momarenta, táe mosia tua in diábí.

PILEMON 1:22

Akuoi in mopoigum doman kon inimu, tuḷungaipa posadiaai in akuoi kon gopot kon baḷoimu sin haraponku mako kon indongoganbí i Allah onu in pinoigum i utat mita konbá akuoi in buipa mamangoi kon i monimu.

PILIPI 1:19

sin kinotaauankubí kon barakat in sambayang mita monimu takin totuḷung doman in Roho i Yesus Kristus, dá mobebasbí in akuoi.

TIMOTIUS 2 1:16

Táe tombonu in baḷoi i Onesiporus in umuran namangoi moposanang in ginaku, dá poigumonku mako ki Tuhan in tantú mobogoi in barakat kon i monia, sin umpakabí kon bonu in ponjara akuoi táe ki Onesiporus bo tombonu in baḷoinea tua in diábí mooyá in namangoi mokipodungkuḷ kon inakó.

EPESUS 3:1

Akuoi ki Paulus, pinonjara popisí in nogaid kon oaidan i Kristus Yesus sin kopontingan monimu intau inta deeman Yahudi.

SURAT I PAULUS KON JAMAAT RUM 16:25

Dinayo-dayowdon in ki Allah! Sia in mongawasa moginrigon kon pirisaya monimu podudui in Habar Mopia nongkon i Allah inta pinotaauku soaḷ ki Yesus Kristus. Habar inta pinotaauku tua in notongkai in onu inta pinoontong i Allah kon inakó; tuata in soaḷ tomayá i Allah inta noonggotdon totok in kinotaauan intau.

EPESUS 3:3

Ain pinoguman i Allah in tomayá-Nea inta binuni-Nea tua bo ain pinotaau-Nea kon i nakó. (Soaḷ tanaa in pinaiskudon kino poḷok kon ḻimonik,

EPESUS 3:4

bo aka kobacaandon monimu intua, yo komangaḻeandon monimu onu inta noibunipa soaḷ ki Kristus, ná kinomomangaḻeku kon tua.)

EPESUS 3:9

bo akuoi in pinaké doman i Allah mogaid kon oaidan tatua sinbá bayongan in intau monotaau kon naonda in pinogogaid i Allah inta nomia kon dunia naa, mogaid kon tomayá-Nea inta binuni-Nea kon dunia naa nongkon tungkuḷ intua.

KOLOSE 4:18

Salam nongkon inakó, ki Paulus. Akuoibí tontaní in nomais kon salam tanaa. Dika koḻiongan kon akuoi in kon bonupa in ponjara! Igumon mako umuran barakatan i Tuhan in moiko. Horomat nami, Ki Paulus

TIMOTIUS 2 4:2

Sinbá iko in umuran moibog in mopotaau in Habar Mopia inta nongkon i Allah, bo poigum kon i monia sinbá moibog mokidongog, mopia andeka diá mopia in wakutunea. Popoyakindon in intau, bo poguman onu inta noitaḷá, bo umuraibí iropotai in mosia. Mokoposabar in motundú kon i monia.