KINOBAḺIAN 9:22 - Alkitab Singog In Mongondow Masa In Tanaa

²² Naonda in ki Ham, inta ki amá in Kanaan, nokoontong kon ki amánea nomilang, sia in iḻumuai bo nopotaau intua kon i utatnea doyowa.

KINOBAḺIAN 9:22 Referans Kwoze

AMSAL 30:17

Intau inta moningkuḻe kon i amánea andeka kon i inánea inta ain nogoguyang, patusbí pogambat kon ḷuai sinbá matanea padokon in ḷagapan kawag bo awaknea in kaanon in ḷagapan boniá.

GALATIA 6:1

Utat mita! Aka oyúon intau in kino kadapatan monimu nogaid kon noitaḷá, dá moiko inta nobiag noidudui kon ibog in Roho i Allah, musti modia bui kon intau tatua mongindaḷan inta moitutui. Táe koḷukóon in mosingog, bo moiko in musti mokopoingat sinbá diá kopongaruan doman.

KORINTUS 1 13:6

Diábí mopia in ginanea aka intau mogaid kon inta moraat, sin koibognea in tongábí inta mopia.

MATIUS 18:15

“Aka ki utatmu bo nogaid kon dosa kon inimu, yo tongginaai in sia kon wakutu in tongá kamu-kamunda. Aka sia bo mokidongog kon tongginamu. Yo iko in nopotutui in daḷan inta mopia kon inia.

MAZMUR 70:3

Biódon mako in intau inta moibog moḻimod kon inakó taḷowon bo moḷagui posibayá. Biódon mako in intau inta nonggiow kon rorigaku bongkugon bo singkuḻeon.

MAZMUR 40:15

Biódon mako in intau inta moibog moḻimod kon inakó taḷowon bo moḷagui motoboḻingo. Biódon mako in intau inta monggiow kon susaku upeton modapot in umundok bo singkuḻeon.

KINOBAḺIAN 10:6

Ki Adí mita i Ham in ki Kus, Mesir, Libia bo Kanaan.

AMSAL 25:9

Aka moyotaḷá takin yobayatmu, yo poyotutuipa intua tongá takinnea, táe onu in iharasia in intau dikabí potaaumu.

TAWARIKH 1 1:8

Ki adí mita ḷoḷaki i Ham in Kus, Mesir, Libia bo Kanaan. Mosia in nobaḻí mogoguyang in bangusa mita inta sinangoian pinodudui in tangoi monia.

KINOBAḺIAN 9:25

sia noguman, “Binutungdon in Kanaan! Sia in mobaḻí ata inta totok in mohina kon i utatnea mita.

KINOBAḺIAN 9:23

Onda intua ki Sem bo ki Yapet in nogamá kon tobatú jubah bo sinongká monia kon obaga monia. Mosia in minayá takin inumundok sinumuot kon ḷoḷaigan tatua bodongka nopodaing in jubah tatua kon i amá monia. Mosia in nobobui kon tampat ibanea sinbá diá mokoontong kon i amá monia inta nopilang tatua.

HABAKUK 2:15

Kinutukdon in iko! Iko in moningkuḻe bo nokopooyámai kon topodiugmumai mita; binaḻímu in mosia moipape magí-mako naonda bo intau noḷoḷangu.