KINOBAḺIAN 7:11 - Alkitab Singog In Mongondow Masa In Tanaa

¹¹ Kon tungkuḷ in ki Nuh umur onom nogatut notaong, kon tanggal mopuḷú bopitu buḷan nogindua, nobokatdon in bayongan bokaká kon ḻimonag in butá naa. Bayongan ḷoḻingkop in tubig kon ḷangit nobukat,

KINOBAḺIAN 7:11 Referans Kwoze

KINOBAḺIAN 8:2

Komintan bokaká kon ḻimonag in tubig bo bayongan ḷoḻingkop in tubig kon ḷangit iḻingkopan-Nea. Uyan in notontádon,

MALEAKHI 3:10

Diadon in mopuḷú noporosenmu komintan kon Baḷoi-Ku sinbá oyúon in kaanon mobayong totok kon tua. Tungkuḷaidon in Akuoi, dá ontongbí monimu kon Akuoi in momukat kon ḷoḻingkop mita in soroga bo mobogoi kon i monimu in bayongan inta mopia.

YEREMIA 51:16

Tongá pinongin parenta, nogonugurdon in tubig kon toḷungayá. Nongkon popod mita in butá pinoangoi-Nea in goḷom, bo binaḻí-Nea in kilat nonindar kon bonu in uyan, bo pinopoangoi-Nea in tompot nongkon pinotagúan-Nea.

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

DATU MITA 2 7:19

Bo kon dodai intua moḷoḷukad i datu in nogumandon, “Naondabí! Diábí kumaan kon akaḷ intua, umpakabí kon tanaa mako doman ki Tuhan in mopoangoi in uyan morogot nongkon ḷangit!” Bo sinubagan i Elisa, “Bain koontonganmu intua mobaḻí, táe diábí in iko moikaan kon tua topiḻikmai.”

YEHEZKIEL 26:19

Ki Tuhan Inta Totok in moḷantud in noguman, “Baḻíon-Ku in iko moingongow naonda bo kotá inta diá in intau. Koḷoban-Kubí in iko in tubig nongkon apad in baḷangon.

MAZMUR 33:7

Bayongan in tubig kon dagat sinobatú-Nea kon tampat tobatú, baḷangon sinipun-Nea kon bonu in bandungan.

DATU MITA 2 7:2

Itoi in tontara inta moḷoḷukad kon i datu in notubag, “Naondabí! Diábí kumaan kon akaḷ intua, umpakabí kon tanaa mako doman ki Tuhan in mopoangoi in uyan morogot nongkon ḷangit!” “Bain indoianmu tontaní in kobaḻían intua, táe iko in diábí moikaan kon kaanon tatua umpaka tongá topiḻikmai,” tubag i Elisa.

MATIUS 24:38

Kon wakutu in diápa in ḷunud moḷoben namangoi, mosia in nongaan bo nonginum, nobuḷoi bo pinobuḷoi nodapot kon singgai ki Nuh sinumuot kon bonu in kapaḷ.

YESAYA 24:19

Butá naa in moḷau, moromput bo moḻiai.

MAZMUR 74:15

Iko in nopoiḻig in bokaká bo ongkag; ongkag inta moḷoben iningkagan-Mu.

KINOBAḺIAN 6:17

Poangoi-Ku in ḷunud moḷoben sin poyopú kon bayongan in mahaḷuk inta nobiag kon dunia naa. Bayongan yagi-yagi kon dunia naa modaitbí matoi,

AYUB 28:4

Noiyayú kon tampat inta diá in nogutun, inta diápa kon dodai in onda in iritakan bo binayáan, intau in mogaid takin kumadai kon tontogot kon bonu in bubú inta moingongow totok.

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

PETRUS 2 3:6

Bo tubigbí doman naa in pinaké i Allah nonginggamá kon dunia naa bo tombonunea mita tungkuḷ intua.

KINOBAḺIAN 7:6

Umur i Nuh onom nogatut notaong tungkuḷ in kinobaḻian in ḷunud moḷoben tatua kon dunia naa.

AYUB 12:15

Sia in nodimpot kon tubig, dá noingkagdon komintan; Sia in nomukat, dá ḷunud in namuntag!

AYUB 38:16

Nokoimontandon degá in iko in noponag kon anor in dagat, noyayú nongkon apadnea? Nokoimontandon degá in iko in minaya-mayá kon taḷog in baḷangon?

AMSAL 3:20

Pinongin sinotaau-Nea pinomia-Nea in bokaká mita kon ḻimonag in butá nobotak bo nomuká in tubignea bo goḷom kon ḷangit mopobutak in tubig kon butá.

YESAYA 24:18

Intau inta moḷagui nongkon kodoḻiokan in moibonubí kon poyogaḷap, bo intau inta diá kodomokan in poyogaḷap moibaaḷbí kon potait. Uyan morogot in moḷabúbí nongkon ḷangit, bo apad in butá in modandúbí.

KINOBAḺIAN 8:14

Kon tanggal doyowa nopuḷú bopitu buḷan nogindua, butá in totu-totuudon noingkag.

AYUB 38:37

Ki ine in moarip inta mokoiap kon goḷom bo mopotongkob dá monguyan,