KINOBAḺIAN 6:9 - Alkitab Singog In Mongondow Masa In Tanaa

^9-10 Naadon in ouman soaḷ ki Nuh. Sia in kogadí kon ḷoḷaki taya toḷu, tangoi monia ki Sem, ki Yapet bo ki Ham. Ki Nuh in diá nogaid kon onu inta noitaḷá, bo tongádon sia in intau mopia kon tungkuḷ intua. Sia in nobiag modagin kon i Allah.

KINOBAḺIAN 6:9 Referans Kwoze

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

PETRUS 2 2:5

Natuabí doman in pinomia kon dunia tungkuḷ intua, diábí pinomayá mako i Allah kotaḻiban in hukuman. Pinoangoi i Allah in ḷunud moḷoben totok kon dunia in intau mita moraat tungkuḷ intua. Tongábí ki Nuh takin intau pitu ibanea in pinosaḷamat i Allah, sin sia in nopotaau in habar soaḷ kobobiag inta mokosanang kon gina i Allah.

KINOBAḺIAN 7:1

Bo ki Tuhanin noguman kon i Nuh. “Inontong-Kudon kon dongkadon iko tontaní in intau inta nogaid kon onu inta kinoibog-Ku. Dá, tuotdon kon bonu in uangga tatua in moiko motoḷuadí.

KINOBAḺIAN 5:24

Pinopisí in ki Henokh umuran nobiag modagin kon i Allah, dá diádon in sia kon dunia naa sin diniadon i Allah.

GALATIA 3:11

Bo bá kotaauandon monimu in naa, diábí tobatúmai intau in posaḷamaton sin sia ain dinumudui kon hukum i Musa. Tanaa mita ain pinais kon Buk Motusi, “Tongábí intau inta mopirisaya kon i Allah in motaau moyodame i Allah!”

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

KINOBAḺIAN 5:22

Onda intua ki Henokh in nobiag notobatú takin i Allah kon bonu in toḷu nogatut notaong. Sia in nokouḻí kon adí ḷoḷaki mita ibanea

YEHEZKIEL 14:14

Umpakabí in ki Nuh, ki Daniel bo ki Ayub in nogutun kon tampat tatua, dá kopopia i nayatoḷu in tongábí mokosaḷamat kon awak monia tontaní. Akuoi, ki Tuhan Inta Totok in moḷantud ain nosingog.

AYUB 1:1

Kon butá in Us nogutun in ḷoḷaki tobatú tangoinea in ki Ayub. Sia in nosumba kon i Allah bo mosatia kon i-Nia. Sia in intau inta mopia in gina bo diábí nogaid kon onu inta moraat tongopiḻikmai.

KINOBAḺIAN 2:4

Tuata in ouman soaḷ pinomaḻían i Allah kon dunia naa takin tombonunea. Kon tungkuḷ in ki Tuhan nomaḻí kon dunia naa,

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

MOHOHUTUBA 7:20

Kon dunia naa in diábí in intau diá in bogit; diábí in umuran mogaid kon inta mopia bo diá kon dodai in onda in noiḷaut noiaid kon dosa.

OUMAN IN RASUL MITA 10:22

Dá mosia in notubag, “Kami naa in namangoi sin pinotabá i Kornelius, tobatú itoi in tontara Rum, inta totok mopia bo motoindudui kon i Allah bo ihoromat in bayongan intau in Yahudi. Tobatú malaekat i Allah in namangoi kon inia bo nopotabá mogoiní kon i Tuang sinbá ki Tuang in mamangoi in baḷoinea, saḷaku tubag i Tuhan kon bayongan inta pinoigumnea kon doa. Sia in pinoki indongogan kon onu in poguman i Tuang kon inia.”

YEHEZKIEL 14:20

Bo umpaka ki Nuh, ki Daniel bo ki Ayub nogutun kon tua, dá podoyon kon i-Nakó, ki Allah inta nobiag, Tuhan Inta Totok in moḷantud, mosia in diábí mokoposaḷamat kon i ineka, nodapotbí in kon i adí mita monia. Tongábí mosia tontaní in mosaḷamat popisí in aid monia inta mopia.”

AYUB 1:8

Bo ki Tuhan in noḻibó, “Degá sinaridimudon in mogogundoi-Ku ki Ayub? Kon sinangkub in dunia naa diábí in intau inta ná kotoindudui bo ná kopopia in ginanea. Sia in nosumba kon i-Nakó bo diábí nogaid kon tobatúmai in moraat.”

SURAT I PAULUS KON JAMAAT RUM 1:17

Sin pinongin Habar Mopia tatua ki Allah in nopoontongdon kon naonda in pogogaid sinbá hubungan in intau bo i Allah in moyoguḻitdon bui: aidnea kon tua in tongábí mopirisaya kon i Allah nongkon pinomangkoianpamai modapot in pangabisan. Tua in ná inta ain pinais kon bonu in Buk Motusi, nanaa, “Intau in nopirisayadon kon i Allah, sahingga in hubungannea takin i Allah notompiadon bui, bo intau tatua in mobiagbí!”

LUKAS 23:50

Oyúon tobatú intau, ki Yusup in tangoinea. Sia in nongkon kotá in Arimatea kon butá in Yudea. Sia tua in intau mopia bo mobanar inta umuran mogoḷat mako kon wakutu koangoian i Allah momarenta saḷaku Datu. Umpakabí in sia tobatú Mahkama Agama, táe sia naa in diábí nosotuju kon kaputusan bo gogutú in mahkama agama ibanea tua.

LUKAS 2:25

Kon wakutu intua, kon Yerusalem oyúon intau tangoinea ki Simeon. Sia naa intau mopia bo inta umuran dinumudui kon parenta i Tuhan, bo sia in mogoḷat doman mako kon koangoian in mopoposaḷamat kon Israel. Sia naa in umuran kinawasa in Roho i Allah.

HABAKUK 2:4

Bo pokoingatdon: Intau inta moraat in diábí mosaḷamat, táe intau inta mogaid kon onu in kinoibog i Allah in mobiagbí popisí in kotoinduduinea kon i Allah.”

AMSAL 4:18

Daḷan in intau moraat in mosindip ná kon sindip in doḷom. Mosia in moipintud bo moḷabú diá butungonmai monia. Noyotoḻikud kon tua in daḷan inta bayáan in intau mopia in naonda bo kinobukaan in mata in singgai; koonggot-koonggot kobayag-kobayag, modapot in imbuitnea mobayagdon totok.

MAZMUR 37:37

Tondudutka in intau mopia bo motuḻid in gina; intau inta moibog in dodamean mopiabí in kobiagannea moiduduimai.

TAWARIKH 2 15:17

Umpaka diá komintan tampat pososumbaan kon berhala kon butá tatua irimumud i Asa, táe sia in umuranbí mosatia kon i Tuhan kinoouput in kinobiagannea.

KINOBAḺIAN 48:15

Nopaḷut mako kon tua binarakatannea in ki Yusup, gumannea, “Ki Allah, Sia tuata in ki Tuhan, inta sinumba i Abraham bo i Ishak, Sia tuata inta nokapit kon inakó dapot in tanaa mako;

AYUB 12:4

Akuoi naa in kinosingan in yobayat bo totakin, bokaka akuoi naa in nobanarbí bo diábí in taḷá. Dungkuḷmai sinubagan i Allah in sambayangku, aka akuoi mokuani mokituḷung.

DATU MITA IMITÁNEA 3:6

Ki Salomo in notubag, “Tuhan, pinoontong-Mudon kon motabibí totok in Iko kon i amáku ki Daud, mogogundoi-Mu tua. Mopia in sia, motuḻid in gina bo mosatia kon ini-Mu. Bo inta nobaḻí tomponuot kon totabi-Mu in mononoi kon inia, dá inogoi-Mudon kon inia in adí ḷoḷaki inta tanaa nomarenta nonoḻiu kon inia.

TAWARIKH 2 25:2

Ki Amazia in nogaid kon onu inta nokosanang kon gina i Tuhan, táe diá takin ḻimbatú in gina.

KINOBAḺIAN 10:1

Naa in buí i adí mita i Nuh, inta ki Sem, ki Yapet bo ki Ham. Naonda in kinopaḷutan mako in ḷunud moḷoben, taya toḷu in nokouḻí kon adí mita ḷoḷaki.

KINOBAḺIAN 5:1

Naadon in buí mita i Adam. [Kon tungkuḷ in ki Allah nomia kon intau, pinomia-Nea in mosia notombatangan-Nea tontaní.

ULANGAN 18:13

Dá pogundoidon in moiko kon i Tuhan Allahmu takin ḻimbatú in ginamu.”

SAMUEL 2 22:24

Kinotaauan-Nea kon akuoi naa in diá kotaḷá bo iyumayú nongkon inta noitaḷá.

MAZMUR 37:39

Ki Tuhan in moposaḷamatbí in intau motoḷutui, bo moḷukad kon i monia kon tungkuḷ in mororiga.