KINOBAḺIAN 50:15 - Alkitab Singog In Mongondow Masa In Tanaa

¹⁵ Naonda in ki amá monia minatoi, ki guya-guyang mita i Yusup in noguman, “Naonda-ondadon mako aka kuma ki Yusup umuran motagú mako kon gina bo moibog monuḻí kon aid moraat naton koḻipod?”

KINOBAḺIAN 50:15 Referans Kwoze

AMSAL 28:1

Intau moraat moḷagui umpaka diá in mogaḷow kon inia, táe intau motuḻid in gina, mobarani ná singa.

MAZMUR 53:5

Guman i Tuhan, “Diá degá moratak in intau mita moraat tatua? Mosia in nobiag in onu inta inagow kon umat-Ku, bo diá kon dodai in onda in nosambayang kon i-Nakó.”

MAZMUR 14:5

Intau moraat in totokbí in angoian in ondok, sin ki Allah in moḷukadbí kon intau inta motoindudui kon i-Nia.

IMAMAT 26:36

Intaumu mita inta kon pinoḷumbúanpa kon butá intau, popogonúan-Kudon in ondok moḷoben, modapot in umpaka tongá singog in daun irupon tompot yo poḷaguian monia. Moiko in moḷagui naonda bo inaḷowan kon bonu in parang, bo moḷabú umpaka diá in musung kon diugmu.

SURAT I PAULUS KON JAMAAT RUM 2:15

Aid monia moponiatadon kon onu inta pinarenta in hukum tatua noipaisdon kon bonu in gina monia. Gina monia mobogoi doman in katarangan kon soaḷ tatua, sin mosia tontaní oyúon in potaḷáan bo oyúon doman in totuuon in raian monia.

KINOBAḺIAN 42:17

Onda intua mosia pinobonu kon ponjara toḷu nosinggai in koonggotnea.

KINOBAḺIAN 37:28

bo naonda in tongonumai intau in Midian mododagang noitaḻib, ki Yusup pinoḷuaidon i guya-guyangnea mita nongkon bonu in parigí tatua bo pinotaḷui kon intau Ismael tatua, boḻinea in doyowa nopuḷú in doit saḷaka. Onda intua ki Yusup diniadon in podagang mita tatua minayá in Mesir.

KINOBAḺIAN 50:14

Nopaḷut mako in ki Yusup noḷobong kon i amánea, sia in nobuidon minayá in Mesir noyotakin i utatnea mita bo bayongan intau inta noyotakinnea minayá kon pinoḷobongan kon i amánea tua.

KINOBAḺIAN 50:16

Tuamai in mosia nokidia in koyow tanaa kon i Yusup, “Kon dodai in ki amá naton diápa minatoi,

KINOBAḺIAN 37:18

Nongkon moyayúpa inontongdon monia in ki Yusup, bo kon dodai in sia diápa nodapot kon i monia, mosia in noyosingogdon kon moḻimod kon inia.