KINOBAḺIAN 5:29 - Alkitab Singog In Mongondow Masa In Tanaa

²⁹ Ki Lamekh in noguman, “Adí tanaa mokogaat kon saged naton kon dodai in kita rumoriga in mogaid mononggobá kon butá inta kinutuk i Tuhan.” Tuamai sinangoian i Lamekh in adí tatua ki Nuh.

KINOBAḺIAN 5:29 Referans Kwoze

PETRUS 2 2:5

Natuabí doman in pinomia kon dunia tungkuḷ intua, diábí pinomayá mako i Allah kotaḻiban in hukuman. Pinoangoi i Allah in ḷunud moḷoben totok kon dunia in intau mita moraat tungkuḷ intua. Tongábí ki Nuh takin intau pitu ibanea in pinosaḷamat i Allah, sin sia in nopotaau in habar soaḷ kobobiag inta mokosanang kon gina i Allah.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

MATIUS 24:37

Sin ná inta nobaḻí kon masa i Nuh, yo natua doman in mobaḻí kon masa in koangoian i Adí Intau.

YEHEZKIEL 14:20

Bo umpaka ki Nuh, ki Daniel bo ki Ayub nogutun kon tua, dá podoyon kon i-Nakó, ki Allah inta nobiag, Tuhan Inta Totok in moḷantud, mosia in diábí mokoposaḷamat kon i ineka, nodapotbí in kon i adí mita monia. Tongábí mosia tontaní in mosaḷamat popisí in aid monia inta mopia.”

YEHEZKIEL 14:14

Umpakabí in ki Nuh, ki Daniel bo ki Ayub in nogutun kon tampat tatua, dá kopopia i nayatoḷu in tongábí mokosaḷamat kon awak monia tontaní. Akuoi, ki Tuhan Inta Totok in moḷantud ain nosingog.

YESAYA 54:9

“Naonda bo kon tungkuḷ i Nuh Akuoi in nodandi kon ḷunud moḷoben in diá bidon monagom kon butá, natua doman in tanaa Akuoi in modandi kon Akuoi in diá bidon tumorú andeka mopogogondok kon i monimu bui.

KINOBAḺIAN 9:24

Naonda in ki Nuh nosadar nongkon ḷoḷangunea bo nonotaaudon kon onu inta pinomia i adínea muit tatua kon inia,

PETRUS 1 3:20

tuata in roho mita in intau inta diá motoindudui kon i Allah kon sempo i Nuh. Kon wakutu intua nosabar totok in ki Allah nogoḷat kon i Nuh dodai in nogaid kon kapaḷnea. Tongábí taya waḷu inta kon bonu in kapaḷ tatua in pinosaḷamat nongkon ḷunud inta moḷoben totok tatua.

LUKAS 3:36

inta ki adí i Kenan, ki adí i Arpakhsad, ki adí i Sem, ki adí i Nuh, inta ki adí i Lamekh,

SURAT I PAULUS KON JAMAAT RUM 8:20

Sin bayongan in mahaḷuk pinomayádon mako mogoguyaat, deemanbí popisí in ibognea tontaní, táe popisíbí in pinomayádon mako i Allah natua. Umpaka natua táe oyúonbí in harapan tanaa:

KINOBAḺIAN 5:28

Kon tungkuḷ in ki Lamekh umur mogatut bo waḷu nopuḷú bodoyowá notaong, nokouḻí in sia kon adí ḷoḷaki.

KINOBAḺIAN 5:30

Onda intua ki Lamekh nobiagpa ḻima nogatut bo siow nopuḷú boḻima notaong. Sia in buipa nokouḻí kon adí mita ibanea,