KINOBAḺIAN 49:7 - Alkitab Singog In Mongondow Masa In Tanaa

⁷ Katuḷaandon in torú monia tatua, sin moiḻiudon totok natua. Katuḷaandon in rogi moḷoben monia tua, sin moraatdon totok. Poyayitonkudon in mosia kon sigad i adí mita i Yakub. Bo moponabud kon i monia kon sigad in adí mita i Israel.

KINOBAḺIAN 49:7 Referans Kwoze

AMSAL 27:3

Batu bo bungaion tua in mogaanpabí, aka poyobandingonmai in nakit in gina popisí in intau bodok.

TAWARIKH 1 6:65

Desa mita kon butá in suku Yohuda, Simeon bo Benyamin inta ain sinangoi tatua, in sinilai domandon pinongin undi.

SAMUEL 2 13:15

Táe nopaḷut mako kon tua ki Amnon totokdon in mobú kon i Tamar, yaatdon in ginanea tatua in moḷobe-ḷoben nongkon ibognea muna. Bo sia in noguman kon i ai-ainea tatua, “Ḷuaidon!”

PINOGIAPAN 35:8

Kobayong in kotá mita in intau in Lewi kon bonu in wilayah in batúan suku in Israel musti tantúon podudui kon kobayong in kotá bo koḷoben in wilayah tatua.”

AMSAL 29:22

Intau inta bayá-bayá tumorú mokopopisí kon mobayong in intau mobobayowan bo baradosaan.