KINOBAḺIAN 49:14 - Alkitab Singog In Mongondow Masa In Tanaa

¹⁴ Ki Isakhar tua in naonda bo keledai moropot inta inumuḻid kon sigad in karansi mita pobobonuan kon datognea.

KINOBAḺIAN 49:14 Referans Kwoze

KINOBAḺIAN 30:18

Guman i Lea, “Ki Allah ain nobogoi in tondan pinogaidanku sin akuoi ain noposarakan kon i Zilpa ki buḷoiku,” tuamai adí tatua in sinangoiannea ki Isakhar.

ULANGAN 33:18

Bo kon suku mita i Zebulon bo i Isakhar sia noguman: “Igumon mako Zebulon mobiag motompia sin bobayáannea mita, bo Isakhar in motompia kon pinononḷoḷaigannea mita.

HAKIM MITA 10:1

Naonda in ki Abimelek minatoi, ki Tola ki adí i Pua, nobaḻí itoi sin mopoḷuat kon intau in Israel. Sia naa in ki ompu i Dodo nongkon suku i Isakhar. Sia in nogutun kon Samir kon buḷud in Epraim.

KINOBAḺIAN 49:15

Inindoiannea totuu mopia in tampat tatua bo totuu mogaga in butá tatua, dá kumuyungdon in sia bo moibogdon popotakoian in datog, bo pakisaan mogaid saḷaku bobantung.

PINOGIAPAN 32:16

Bo intau mita in Ruben bo intau mita in Gad tua dinimiug kon i Musa bo noguman, “Pomayádon mako in kami mogaidpa muna kon ḷantung mita inta dindingon in beton sin pobonuan kon domba mita nami, bo kotá mita inta bentengan sin pogutunan in adí bo buḷoi nami.

MAZMUR 68:13

“Datu mita takin tontaranea in noḷaguidon!” Mosia in noḷagui naonda bo paḷoma inta iḷumayugdon minayá. Bobay mita kon baḷoi in mosila-silaidon mako kon saḷaka bo buḷawan inta sinaḷáan. Umpaka nobayong in diá dinumudui noparang, umat i Allah in pinountungdon.

MAZMUR 78:70

Sia in nomiḻí kon i Daud mogogundoi-Nea bo nogamá kon inia nongkon yua-yuak in bobiagon,