KINOBAḺIAN 47:9 - Alkitab Singog In Mongondow Masa In Tanaa

⁹ Tubag i Yakub, “Akuoi ain nobiag kon binayáanku koonggotnea in mogatutdon bo toḷu nopuḷú notaong. Kobiaganku naa in nopuḻing in roriga. Kinobiaganku naa in nopoḷokbí aka poyobandingonmai umur in mogoguyangku inta nobiag doman nobaḻí intau inta diá notantú kon pogutunan.”

KINOBAḺIAN 47:9 Referans Kwoze

MAZMUR 39:12

Intau in popisí in taḷánea; ihukum bo sinambok-Mu naonda bo sisik irimumud-Mu onu inta koboḻi kon inia. Totuu, intau in naonda bo tongá pogirupan in tompot.

KINOBAḺIAN 35:28

Kon tungkuḷ in umurnea totokdon in nogoguyang, mogatutdon bo waḷu nopuḷú notaong, ki Ishak minatoi bo iḷobongdon i Esau bo i Yakub inta ki adínea mita.

MAZMUR 39:5

“Tuhan, potaaudon mongo toonu in singgai kopatoianku sinbá kotaauanku kon totuubí mopoḷok in kinobiaganku.”

AYUB 14:1

Nongkon noitondedépamai intau tua in moyangkóbí, diá kodaya; mopoḷok in kobiagannea bo nopuḻing in roriga.

YOSUA 24:29

Noiduduimai kon tua ki Yosua adí i Nun mogogundoi i Tuhan tua, minatoi kon dodai in umurdon mogatut bo mopuḷú notaong.

ULANGAN 34:7

Ki Musa minatoi kon dodai in umur mogatut bo doyowa nopuḷú notaong. Ropotnea in diábí nogaat bo matanea umuranpabí doman motarang.

IḶUAIAN 7:7

Ki Musa in umur 80 notaong bo ki Harun in umur 83 notaong kon tungkuḷ in mosia minayá kon tayowon i datu in Mesir.

IḶUAIAN 6:4

Kinodongogan-Kudon in amui intau Israel inta sinonggata in intau in Mesir, bo kinotoropan-Kudon in dandi-Ku tatua.

KINOBAḺIAN 50:26

Onda intua minatoidon in ki Yusup kon Mesir kon dodai in umurdon mogatut bo mopuḷú notaong. Mosia in nonompia kon mayat tatua takin nomaké in bahan mita inta biasamai pakéon kon intau minatoi. Bahan mita tatua binonu monia kon poti intau minatoi.

PETRUS 1 2:11

Utat mita inta kinotabiku! Moiko nion in intaubí mokokiangoi bo momomaḷancong kon dunia naa. Akuoi in mononggina kon inimu, donaai tongá umuran dumudui kon ibog in awak naa inta umuran mobobayowan moḷawang kon jiwa.

YAKOBUS 4:14

Onu in mobaḻí kon kobiaganmu ikoḷom, diábí doman kinotaauanmu tontaní! Moiko nion in tongábí naonda bo poyok inta koontongan motoyong, onda intua diádon.

MAZMUR 119:54

Kinoouput in kobiaganku inta motoyong naa kon dunia, atorang-Mu in baḻíonku dondong mita dodayow.

MAZMUR 119:19

Diábí umuran mako in akuoi in mogutun kon dunia dikabí kaasí bunion in hukum-Mu kon inakó.

KINOBAḺIAN 47:28

Ki Yakub nobiagpa mopuḷú bopitu notaong kon Mesir nodapot in umurnea mogatutdon bo opat nopuḷú bopitu notaong.

KINOBAḺIAN 11:11

Onda intua sia in nobiagpa ḻima nogatut notaong, bo nokouḻípa in sia kon adí mita ibanea.

IBRANI 13:14

Sin kon dunia naa diábí in tampat pogutunan mononoi kon i naton, kita in mayábí motayak kon tampat pogutunan kon singgai moiduduimai.

TAWARIKH 1 29:15

Kinotaauan-Mubí, o Tuhan, kon ná doman mogoguyang nami, kami in nobiag naa in naonda bo mokokiangoi bo intau ango-angoi. Kobiagan nami in naonda bo oḻinow inta noitaḻib, bo kami naa in diábí moiḷagui kon popatoi.

KINOBAḺIAN 5:27

Sia in minatoi tungkuḷ in umurdon siow nogatut bo onom nopuḷú bo siow notaong.

KORINTUS 2 5:6

Tuamai tantúbí moropot in gina nami. Kinotaauan bidon nami kon wakutu in nobiag kon dunia naa, kami noyayúbí kon baḷoi inta pinogutunan nami takin i Tuhan.

KINOBAḺIAN 47:8

bo ki datu in noḻibó kon inia, “Umurdon tongonu in ki amá?”

MAZMUR 39:13

Indongogaipa kaasí in sambayangku o Tuhan, taridiaipa in oigumku; dikabí kaasí tongá kibio-biómai aka akuoi mongombaḷ. Naonda bo bayongan in mogoguyangku, tongábí motoyong akuoi in moniung kon ini-Mu.