KINOBAḺIAN 46:30 - Alkitab Singog In Mongondow Masa In Tanaa

³⁰ Guman i Yakub kon i Yusup, “Tanaa akuoi diá bidon moondok in matoi, sin inontongkudon iko bo kinotaauankudon kon nobiagpabí in iko.”

KINOBAḺIAN 46:30 Referans Kwoze

KINOBAḺIAN 45:28

“Ki adíku ki Yusup nobiagpa!” gumannea. “Tongábí tuata in kinoibogku! Akuoi in mustibí mayá bo moindoi kon inia kon dodai in akuoi diápa matoi.”

KINOBAḺIAN 46:29

ki Yusup in sinumakoi kon keretanea sin mayá mokipodungkuḷ kon i amánea kon tua. Onda in mosia noyodungkuḷ, ki Yusup ginumakap kon i amánea bo noonggot in pinongombaḷnea.

KINOBAḺIAN 46:31

Bo ki Yusup in noguman kon i utatnea mita bo kon ginaḷumnea ibanea, “Akuoi in mustidon mayá bo mopotaau kon i datu kon bayongan i utatku mita takin motoḷuadí naton inta nogutun kon Kanaan aindon noiangoi.