KINOBAḺIAN 46:12 - Alkitab Singog In Mongondow Masa In Tanaa

¹² Ki Yohuda; ki adínea mita: ki Syela ki Peres bo ki Zerah, yo ki adí mita i Yohuda ibanea, ki Er bo ki Onan in minatoi kon Kanaan. Ki adí mita i Peres in ki Hezron bo ki Hamul.

KINOBAḺIAN 46:12 Referans Kwoze

TAWARIKH 1 4:21

Adí i Yohuda tobatú tangoinea in ki Sela. Noiduduimai naa in buínea: Ki Er inta noposindog in kotá in Lekha Ki Lada inta noposindog in kotá in Maresa Inanakan in mogogaboḷ kon ḷambung lenan kon kotá in Bet-Ashbea Ki Yokim Intau mita inta nogutun kon kotá in Kozeba Ki Yoas Ki Sarap inta nobuḷoi kon bobay mita in Moab bo kon singgai noiduduimai nobui kon Betlehem. Tangoi mita tatua in ginamá nongkon pais mita dungkuḷmai.

KINOBAḺIAN 38:10

Gogutúnea tatua nokopomuká kon torú i Tuhan, bo ki Tuhan nomatoi doman kon inia.

KINOBAḺIAN 38:7

Gogutú i Er moraat totok, dá ki Tuhan sinumorú bo nomatoi kon inia.

KINOBAḺIAN 29:35

Onda intua ki Lea sidiadon bui bo nopononggadí in adí ḷoḷaki. Gumannea, “Tanaa mako akuoi in modayowdon kon i Tuhan.” Bo sinangoianneadon in adí tatua ki Yohuda. Nopaḷut mako kon tua ki Lea diádon nononggadí.

WAHYU 5:5

Bo tobatú in intau nongkon sigad in itoi mita tatua in noguman kon inakó, “Donaai mongombaḷ! Indoiai! Singa nongkon suku in Yohuda, buí i Daud inta moḷoben, ain nountung. Sia in mokosanggup moḷosi kon meterai pitu tatua bo mobuká kon buk tatua.”

IBRANI 7:14

Kinotaauan bidon in bayongan imang kon ki Tuhan naton nongkon sukubí in Yahudi. Diábí kon dodai in onda in kinotangoian i Musa in suku tatua wakutu in sia nongonguman kon soaḷ imang mita.

MAZMUR 78:68

Sukubí in Yohuda in piniḻí-Nea, bo Tombuḷud in Sion inta kinotabi-Nea.

TAWARIKH 1 3:1

Ki adí mita ḷoḷaki i Daud inta pinononggadí kon Hebron, podudui in umur monia in: Ki Amon – ki inánea in ki Ahinoam intau in Yizreel Ki Daniel – ki inánea in ki Abigail intau in Karmel Ki Absalom – ki inánea in ki Maakha adí bobay i Talmai datu in Gesur Ki Adonia – ki inánea in ki Hagit Ki Sepaca – ki inánea in ki Abital Ki Yitream – ki inánea in ki Egla.

TAWARIKH 1 2:1

Adí ḷoḷaki i Yakub in mopuḷú bo doyowa: ki Ruben, ki Simeon, ki Lewi, ki Yohuda, ki Isakhar, ki Zebulon,

HAKIM MITA 1:2

Ki Tuhan notubag, “Suku in Yohuda. Mosia tua inogoian-Kudon in kawasa mogagow kon butá tatua.”

ULANGAN 33:7

Bo kon suku i Yohuda, ki Musa noguman: “O Tuhan, indongogaipa in kuani in Yohuda; potobatúdon bui in mosia takin bangusanea. Takinaipa in mosia moparang, o Tuhan, tuḷungaipa in mosia monayow kon musung monia.”

KINOBAḺIAN 38:4

Adí induanea, ḷoḷaki doman, bo sinangoiannea ki Onan.

KINOBAḺIAN 46:11

Ki Lewi; ki adínea mita: ki Gerson, ki Kehat bo ki Merari.

KINOBAḺIAN 46:13

Ki Isakhar; ki adínea mita: Ki Tola, ki Pua, ki Ayub bo ki Simron.

RUT 4:12

Poigumon mako adí mita inta ogoi i Tuhan kon inimu pinongin bobay inta noguodpa tanaa in mobaḻídon motoḷuadímu ná ki Peres, ki adí i Yohuda bo i Tamar.”

TAWARIKH 1 9:4

690 in motoḷuadí nongkon suku in Yohuda inta nogutun kon Yerusalem, noitakin doman in buí i adí mita i Yohuda inta ki Peres, ki Syela bo ki Zerah. Buí i Peres in ki Utai in tongganutnea. Pipidan in buí i Utai nongkon ḻimonag bo pinodamonik in ki Utai, ki Amihud, ki Omri, ki Imri, bo ki Bani. Buí i Syela in ki Asaya in tongganutnea. Sia in tongguḷu in motoḷuadí. Buí i Zerah in ki Yeuel in tongganutnea.

KINOBAḺIAN 38:5

Adí intoḷunea ḷoḷaki doman, bo sinangoiannea ki Syela. Tungkuḷ in ki Syela pinononggadí ki Yohuda in kon Kezib.

TAWARIKH 1 4:1

Noiduduimai naa in tongosilai nongkon buí i Yohuda: ki Peres, ki Hezron, ki Karmi, ki Hur bo ki Syobal.

NEHEMIA 11:24

Ki Petahya ki adí i Mesezabeel nongkon inanakan i Zera bo suku Yohuda in nobaḻí oḻit in bangusa Israel kon komaḻig in Persia.