KINOBAḺIAN 44:4 - Alkitab Singog In Mongondow Masa In Tanaa

⁴ Diápa in mosia noyayú nongkon kotá tatua, ki Yusup nogumandon kon bobantungnea koina, “Ḷagidon batuk in intau mita tatua. Aka kobatukandon, pogumandon kon i monia, ‘Nongonu sin aid mopia tuḻíanbí monimu in moraat?

KINOBAḺIAN 44:4 Referans Kwoze

YOHANES 10:32

Táe ki Yesus in noguman kon i monia, “Moiko ain nokoontong kon i-Nakó nogaid kon nobayong in oaidan inta mopia, inta pinoki aid i Amá kon i-Nakó. Nongkon oaidan mita tatua, onda in baḻíon monimu dodoyonan poganduran kon i-Nakó?”

MAZMUR 35:12

Aidku inta mopia sinuḻían monia in aid moraat; akuoi in noḷomot kon dodai in kinobuḻian in kamang.

AMSAL 17:13

Ki ine in mopotuḻí in moraat kon inta mopia, yo aid moraat tatua in diábí doman kopoḷuaian nongkon baḷoinea.

MAZMUR 109:5

Aidku mopia kon i monia tuḻían monia in moraat, bo tabiku in tuḻían monia in yaat in gina.

TAWARIKH 2 20:11

Tanaa, nanaabí in aid in bangusa mita tatua kon inami. Moibogbí in mosia mopoguntun kon inami nongkon butá inta inogoi-Mu kon inami.

SAMUEL 1 24:17

Naonda in nopaḷut mako in ki Daud nosingog kon tosingogon mita tatua, ki Saul nogumandon, “Ikobí degá in nion, ei Daud, adíku?” Bo nongombaḷdon in sia.

ULANGAN 2:16

Naonda in mosia nodait minatoi,

KINOBAḺIAN 44:3

Nopoikoḷomai kon singgai, doḷo-doḷompa totok, ki Yusup noyogapídon takin i utatnea mita, bo mosia in nobuidon takin keledai monia.

KINOBAḺIAN 44:13

Nonakitdon totok in gina i guya-guyangnea mita dapot in mosia nomera-merakdon kon ḷambung monia. Mosia in buidon nopodatog in bahan mita monia kon keledai bo nobui kon kotá.