KINOBAḺIAN 44:2 - Alkitab Singog In Mongondow Masa In Tanaa

² Pobonu doman in piala saḷakaku kon bonu in karong i ai-ai monia inta muit, takin doit boḻi inta pinotaḷuinea kon gandum.” Bobantung tatua in nogaid doman kon onu inta pinoki aid kon inia tua.

KINOBAḺIAN 44:2 Referans Kwoze

KORINTUS 2 8:8

Naa in potaauku kon i monimu deemanbí saḷaku parenta. Táe moponorop kon nobayongdon totok intau moramuji motuḷung kon tumpaḷa intau, tuamai moibog doman in akuoi monotaau mongo nodapot domandon onda in tabi monimu kon tumpaḷa intau.

MATIUS 10:16

“Tagú totok kon gina in singog-Ku: Akuoi in mopotabá kon i monimu, naonda bo domba dinia kon yua-yuak in serigala. Manangka intua mokopoingat totok naonda bo uḷag bo mokopotuḻid kon gina naonda bo ḷagapan paḷoma.

ULANGAN 13:3

dikadon iko mokidongog kon tosingogonnea. Ki Tuhan Allahmu in nomaké kon intau tatua sin monungkuḷ kon i monimu, sin moindoi mongo totu-totuu in moiko motabi kon i Tuhan ande diá.

ULANGAN 8:16

Kon padang gurun Sia nobogoi in manna kaanonmu, kokaanon inta diábí kinotaauan in mogoguyangmu. Inaidan i Tuhan intua sin monungkuḷ kon i monimu bo motundú sinbá mokopoompá kon gina, bá kon buitnea Sia mopoaid in mopia kon i monimu.

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

KINOBAḺIAN 43:32

Ki Yusup nongaan tontaní kon meja tobatú, bo ki utatnea mita kon meja ibanea. Intau mita in Mesir inta kon tua nongaan doman kon meja ibanea, sin mosia ná batangan pinokopo ompámai aka mongaan moyotakin intau in Ibrani.

KINOBAḺIAN 42:20

Mopaḷut mako kon tua moiko in musti modia mangoi kon i ai-ai monimu inta muit tua poangoi kon inakó. Tua in ponandaan kon tosingogon monimu tua in totuubí, bo moiko in diábí hukumon matoi.” Mosia in noyopakat kon tosingogon i gubernur tatua.

KINOBAḺIAN 44:1

Nopaḷut mako kon tua ki Yusup nomarenta kon itoi mogogurus kon tombonu in baḷoinea, “Bonuaidon in gandum in karong intau mita tatua, kobarongon dapot in kodiaan monia, bo bonu bui kon karong monia in doit monia, potudu kon ḻimonik in gandum tatua.

KINOBAḺIAN 44:3

Nopoikoḷomai kon singgai, doḷo-doḷompa totok, ki Yusup noyogapídon takin i utatnea mita, bo mosia in nobuidon takin keledai monia.

KINOBAḺIAN 44:12

Bobantung i Yusup tatua nomirikisadon kon karong mita tatua takin kinotaḻit, pinangkoi kon karong kapunyaan in inta guya-guyang nodapot kon karong i inta muit, bo piala tatua in nouḻí kon bonu in karong i Benyamin.

KINOBAḺIAN 42:25

Ki Yusup nomarentadon sinbá karong mita inta dinia i guya-guyangnea mita tatua bonuandon in gandum, bo doit monia tua in popobonudon bui kon karong monia kon batúannea. Bo mosia in ogoian doman in kaanon mobaḻí toibaḷun monia kon daḷan. Parenta i Yusup mita tatua inaidandon monia.