KINOBAḺIAN 44:15 - Alkitab Singog In Mongondow Masa In Tanaa

¹⁵ Dá nosingogdon in ki Yusup, “Onu in pinomia monimu tanion? Diábí kinotaauan monimu degá kon intau ná akuoi naa monotaaubí kon oaidmu inta moraat takin sinotaauku?”

KINOBAḺIAN 44:15 Referans Kwoze

IḶUAIAN 32:1

Kon tungkuḷ in noonggotdon in pinogoḷatan mako in bangusa Israel kon i Musa mosiḻig nongkon buḷud tatua, sin dodai intua sia umuranpabí kon tudu in buḷud tatua, dá mosia in namangoi kon i Harun bo noguman, “Diádon kinotaauan naton mongo onu in nobaḻí kon i Musa, intau inta ain nodia kon i naton iḻumuai nongkon Mesir; dá pomiaaidon in kami kon ilah inta modia kon inami.”

KINOBAḺIAN 39:8

Doí in ki Yusup bo sia in noguman kon i buḷoi Potipar, “Ampung, Nyora, ki tuang Potipar ain nopopirisaya in bayongan kapunyaannea kon inakó. Sia diá in bidon paraḷu momikir kon onuka in kon baḷoi tanaa.

KINOBAḺIAN 21:26

Ki Abimelek in noguman, “Diábí kinotaauanku mongo ki ine in nogaid kon soaḷ tatua. Diápabí dodai onda iko noguman, bo naadon in kon dungkuḷ totok akuoi nokodongog kon soaḷ tatua.”

KINOBAḺIAN 4:10

Bo ki Tuhan in noguman, “Nongonu sin iko in nogaidbí kon soaḷ inta mokoondok natua? Dugú i ai-aimu in nokuani kon Inakó nongkon butá, naonda bo singog inta nomaḷú mokituḻí.

KINOBAḺIAN 3:13

Ki Tuhan Allah in noḻibó kon bobay tatua, “Nongonu sin inaidanmubí intua?” Tubagnea, “Akuoi inuboḷan in uḷag tatua, sahingga in kinaanku bungai in kayu tatua.”

KINOBAḺIAN 44:16

“Onu in motaau singogon nami, Tuangku?” tubag i Yohuda. “Naondabí in pomomayow nami, onupa in singogon nami pomayow kon tosingogon i Tuang? Ki Allah ain nopoontong in taḷá nami. Tanaa kami komintan nobaḻídon bobantung mita i Tuang, deemanbí tongá sia inta kinouḻían kon piala tatua.”