KINOBAḺIAN 42:21 - Alkitab Singog In Mongondow Masa In Tanaa

²¹ Bo noyosingogdon in mosia, “Totu-totuu kon tanaadon mako kita ihukum popisí in taḷá naton kon i ai-ai naton koḻipod; sia in nokituḷung táe diá pinandungmai naton, umpaka indoian mako naton kon totokdon in mororiga in sia. Tuamai tanaa mako kita in motarimadon kon roriga tanaa.”

KINOBAḺIAN 42:21 Referans Kwoze

HOSEA 5:15

Umat-Ku in taḷaan-Kubí modapot in roriga kon i monia tugatdon popisí in dosanea mita, bo mamangoi sin motayak kon i-Nakó. Degá kon bonu in roriganea, mosia in moḷongasi moyodungkuḷ-Ku.”

YOHANES 1 1:9

Táe aka akuondon naton in taḷá mita naton kon i Allah, dá aidan-Neabí in onu inta ain pinodandi-Nea bo pobayá-Nea doman onu inta moadil. Ampungan-Neabí in bayongan dosa naton poḷat daritan-Nea doman in kita nongkon bayongan in oaid inta moraat.

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

OUMAN IN RASUL MITA 19:18

Bo nobarong totok in intau inta nopirisayadon kon i Yesus in namangoi nongaku kon tayowon in intau moantó, kon mosia nokoimontan doman in nogaid kon soaḷ mita natua.

LUKAS 16:28

Sin taya ḻimapa in ki utatku kon tua. Potabápa in ki Lazarus mayá mobogoi in tompoingat kon i monia sinbá mosia in diá mobaḻí ná akuoi moiukat kon tampat inta mororiga nanaa.’

MARKUS 9:48

Kon tampat tatua uḷodnea mita diábí matoi, bo tuḷúnea in diábí doman kopiongan.

MATIUS 7:2

Sin naonda in pohohakimmu kon intau ibanea, tua doman in pohakim kon inimu.

YEREMIA 2:19

Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

YEREMIA 2:17

Iko tontaní in nokopopisí kon bayongan inta nobaḻí kon inimu, sin kon tungkuḷ in iko kinapit-Ku kon binayáan, iko in nonoḻikud kon i-Nakó, Ki Tuhan Allahmu.

AMSAL 28:17

Intau moḷoḻimod in mokorasabí kon ná umuran aḷo-aḷowan mako modapot in sia matoi; diábí tobatúmai intau in mokoḷamboi kon inia.

AMSAL 21:13

Ki ine in doí mokidongog kon amui in intau inta kinodaitan diábí doman pandungonmai aka sia in mopoigum in totuḷung.

DATU MITA IMITÁNEA 17:18

Bo boba-bobay tatua in noguman kon i Elia, “Mogogundoi i Allah, nongonu popoaidbí i Amá in tanaa kon inakó? Degá namangoi in ki Amá sinbá kotoropan i Allah in dosaku, noiyaput in matoi in ki adíku?”

SAMUEL 2 12:13

Bo noguman in ki Daud kon i Natan, “Binaradosadon in akuoi kon i Tuhan.” Tubag i Natan, “Ki Tuhan in nongampungdon kon i Tuang; dá ki Tuang in diábí matoi.

HAKIM MITA 1:7

Guman i Adoni-Bezek, “Koḻipod in pitu nopuḷú in datu inta pinongkóanku kon ki iná in ḻima bo sioḷ monia, bo binió-biókudon mako in mosia nokaan kon ki agat in kaanon inta noḷabú nongkon mejaku. Tanaa in ki Allah nopoaidon kon inakó ná onu inta pinopoaidku kon i monia.” Noiduduimai kon tua ki Adonia-Bezek dinia pinobayá in Yerusalem, bo kon tuadon in kinopatoiannea.

PINOGIAPAN 32:23

Tongá pokotaau, aka diá intompodan monimu in dandimu, yo baradosaan in moiko kon i Tuhan bo hukumon sin popisí in dosamu tatua.

KINOBAḺIAN 41:9

Onda intua mopoposadia in oinumon i datu noguman kon i datu, “Singgai naa bobantungmu naa musti mongaku kon taḷáku.

YEREMIA 4:18

Yohuda, ikobí tontaní inta nopoangoi in bodito tatua kon inimu. Kobobiagmu bo oaidmu mita in nokopopisí kon bayongan in roriga tatua tumurak kon ginamu.

KINOBAḺIAN 45:3

Ki Yusup in noguman kon i utatnea mita, “Akuoi naa in ki Yusupbí. Nobiagpa in ki papa?” Nokoontongmai kon natua in ki utatnea mita noondokdon totok, dapot in mosia diádon nokotubag.

KINOBAḺIAN 50:15

Naonda in ki amá monia minatoi, ki guya-guyang mita i Yusup in noguman, “Naonda-ondadon mako aka kuma ki Yusup umuran motagú mako kon gina bo moibog monuḻí kon aid moraat naton koḻipod?”

KINOBAḺIAN 44:16

“Onu in motaau singogon nami, Tuangku?” tubag i Yohuda. “Naondabí in pomomayow nami, onupa in singogon nami pomayow kon tosingogon i Tuang? Ki Allah ain nopoontong in taḷá nami. Tanaa kami komintan nobaḻídon bobantung mita i Tuang, deemanbí tongá sia inta kinouḻían kon piala tatua.”