KINOBAḺIAN 42:2 - Alkitab Singog In Mongondow Masa In Tanaa

² Kinodongogankudon kon tua kon Mesir oyúon in gandum; bayádon bo potaḷuidon kon gandum kon tua sinbá kita diá matoi in gogoy.”

KINOBAḺIAN 42:2 Referans Kwoze

KINOBAḺIAN 43:8

Bo ki Yohuda in noguman kon i amánea, “Popomayádon mako adí tatua dumudui, bo akuoi in kitogi totaau kon inia. Kami in ḷagidon mobuat sinbá diá in kon sigad naton matoi in gogoy.

MATIUS 4:4

Táe ki Yesus in notubag nanaa, “Oyúon pinais, ‘Intau deemanbí tongá mobiag in roti, táe mobiagbí doman in pirman inta siningog i Allah.’ ”

YESAYA 38:1

Kon dodai intua doman ki Hizkia notakit gogió bo minatoi. Ki Nabi Yesaya ki adí i Amos, minayá nokipodungkuḷ kon inia bo noguman, “Ki Tuhan in nongoyow kon ki Tuang datu in moginḷapatdon kon bayongan in oaidan, sin ki Tuang datu in diádon mopia bui. Diádon moonggot in ki Tuang datu bo matoi.”

MAZMUR 118:17

Akuoi in diábí matoi, táe umuranbí mobiag sin mopotaa-taau mako kon aid i Tuhan.

KINOBAḺIAN 45:9

Tanaa, ḷagidon pobui in moiko kon i papa bo pogumandon kon inia kon ki Yusup, ki adínea, noguman nanaa, ‘Binaḻídon i Allah in akuoi pongawasa kon bayongan butá in Mesir; ḷagidon angoi naa.

KINOBAḺIAN 43:4

Aka ogoi papa in ki ai-ai nami tatua dumudui, yo moibogpa bui in kami mayá intua sin motaḷui kon kaanon.

OUMAN IN RASUL MITA 7:12

Tongá naonda in dinongog i Yakub kon oyúon in gandum kon Mesir, pinotabánea in mogoguyang mita naton tatua minayá in Mesir. Tuata in wakutu dungkuḷ totok minayá in Mesir.

KINOBAḺIAN 42:3

Bo minayádon ki guya-guyang i Yusup inta mopuḷú tua notaḷui kon gandum kon Mesir.

MAZMUR 33:18

Ki Tuhan in moḷukad kon intau mita inta mopirisaya inta mongamang mako kon tabi-Nea.

MAZMUR 33:19

Sia in noposaḷamat kon i monia nongkon popatoi, bo nomiag kon i monia kon tungkuḷ in ginogoi.