KINOBAḺIAN 41:2 - Alkitab Singog In Mongondow Masa In Tanaa

² Indoianmai daḻíbí noitukat magí in sapi pitu inta totok nongoḷongó bo kuḻitnea in mopouḻi uḻinag, iḻumuai nongkon ongkag tatua bo mulai nokaan kon bonok kon bingkí in ongkag tatua.

KINOBAḺIAN 41:2 Referans Kwoze

YESAYA 19:6

Got mita in mobódon in bongkog kon dodai in tubignea kodait-kodait. Bumbung bo bonok in moḷaḷowdon.

KINOBAḺIAN 41:1

Naonda in doyowadon notaong noiduduimai, ki datu in Mesir sinumogoindop, kon sia sinimindog mako kon bingkí in Ongkag Nil.

KINOBAḺIAN 41:3

Noiduduimai kon tua sapi mita ibanea noitukat doman mangoi; biag mita tatua nongorutuk, dongkadon kuḻit noibakut kon tuḷan. Sapi mita inta nongorutuk tatua sinimindog kon diug in sapi mita inta nongoḷongó, kon bingkí in ongkag tatua.

KINOBAḺIAN 41:18

Bo iḷumuaibí magí nongkon ongkag tatua in sapi pitu inta mongoḷongó totok bo kuḻitnea mopouḻi-uḻinag, bo mulaidon mokaan kon bonok kon bingkí in ongkag tatua.

AYUB 8:11

‘Tongábí kon tampat inta oyúon in tubig mobiag in bumbung; bakung in tongábí mobiag kon butá inta noyoná.

YESAYA 19:7

Bayongan in pogogamboran kon kinoouput in bingkí in Ongkag in Nil in mobaḻídon moingkag bo poḷayugondon in tompot.