KINOBAḺIAN 40:20 - Alkitab Singog In Mongondow Masa In Tanaa

²⁰ Toḷu nosinggai noiduduimai kon tua in singgai kinotompodan umur i datu, bo sia nogaid kon rame moḷoben sin pogoiníannea kon bayongan pogawainea. Sia nomarenta sinbá mopoposadia in oinumonnea bo intau inta mopoposadia in kaanonnea poḷuaidon kon bonu in ponjara bo diaan kon tayowon in bayongan pogawai in komaḻig.

KINOBAḺIAN 40:20 Referans Kwoze

MATIUS 14:6

Tongá kon dodai in kinotompodan umur i Herodes, adí bobay i Herodias nomanari kon yua-yuak in mokokiangoi bo noposanang kon gina i Herodes,

KINOBAḺIAN 40:19

Toḷupa nosinggai naa ki datu mopotabádon kon intau momongkó kon uḷumu bodongka bambéonnea in mayatmu kon oigi tobatú, bo ḷagapan mita mamangoi mokaan kon tapúmu.”

KINOBAḺIAN 40:13

Kon bonu in toḷu nosinggai moiduduimai ki datu mopoḷuaidon kon inimu, ampunganneadon in iko bo popobuineadon in iko kon oaidanmu inta koḻipod. Iko in bui bidon moposadia in oinumon i datu ná koḻipod.

MARKUS 6:21

Pangabisannea ki Herodias nokouḻí kon kasampatan kon dodai in kinotompodan umur i Herodes. Dodai intua ki Herodes nogaid kon rame kon i monia inta nokadai kon jabatan mongoḷantud kon dodatuan, mosia inta porwira bo itoi mita in ḻipú in Galilea.

DATU MITA 2 25:27

Kon singgai nogindoyowa nopuḷú bo pitu kon buḷan impuḷú bodoyowá kon taong intoḷu nopuḷú bo pitu naonda in ki Yoyakhin dinia kon pinoḷumbúan, ki Ewil-Merodakh in nobaḻí datu in Babel. Kon taong tatua doman pinoontongneadon in tabinea kon i Yoyakhin, bo pinoḷuaineadon kon ponjara,

MATIUS 25:19

Noonggotmai kon tua nobuidon mangoi in ki tuang monia tatua bo nogiap kon onda inta nouḻí monia.

AYUB 3:1

Bo nomangkoidon in ki Ayub nosingog bo nongutuk kon singgai pinononggadían kon inia, kainia,

ESTER 1:3

Kon taong intoḷunea kon pinomarentaannea, ki Datu Ahasyweros nomia kon rame moḷoben kon bayongan in intau moḷoben bo pogawainea. Tongguḷu mita totokan in tontara in Persia bo Media in namangoi doman kon rame tatua, natua doman in gubernur mita bo intau mita moḷoben kon propinsi.

KINOBAḺIAN 21:8

Adí tatua in koḷoben-koḷobendon, bo kon singgai in sia ungkakondon kon teté, ki Abraham in nomia kon bobutungan moḷoben.

MAZMUR 105:19

Imbuitnea nobaḻídon onu inta sinoḷanownea, sia in pinopobanar in tosingogon i Tuhan.

YEREMIA 52:31

Kon singgai indoyowa nopuḷú boḻima kon buḷan impuḷú bo doyowánea kon taong intoḷu nopuḷú bo pitu naonda in ki Yoyakhin inakut kon pinoḷumbúan, ki Ewil-Merodakh in nobaḻí datu in Babel. Kon taong doman tatua sia in nopoontong in totabinea kon i Yoyakhin, bo nomuḻi kon inia nongkon ponjara,

DATU MITA IMITÁNEA 3:15

Naonda in nobangon, nosadardon in ki Salomo kon ki Allah ain nosingog kon inia kon bonu in togoindop. Dá nobuidon in sia kon Yerusalem bo sinimindog kon tayowon in Poti Dodandian i Tuhan bo noposumba in kuruban payongon bo kuruban dodamean. Onda intua nomia in sia kon rame kon bayongan in pogawainea.