KINOBAḺIAN 4:1 - Alkitab Singog In Mongondow Masa In Tanaa

¹ Onda intua ki Adam in nosiug noyotakin i Hawa, ki buḷoinea, bo sidiadon in bobay tatua. Sia nopononggadí in adí ḷoḷaki tobatú, ki Hawa in noguman, “Takin totuḷung i Tuhan akuoi nokouḻí kon adí ḷoḷaki.” Dá sinangoiannea in adí tatua ki Kain.

KINOBAḺIAN 4:1 Referans Kwoze

YOHANES 1 3:12

Donaaibí in kita ná ki Kain, inta nobaḻí ki adí in Ibilis bo noḻimodon kon i utatnea tontaní. Nongonu sin ki Kain in noḻimodbí kon i utatnea? Popisíbí in soaḷ mita inta pinomianea in nongoitaḷá, táe soaḷ mita inta pinomia i ai-ainea in noitutui.

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

KINOBAḺIAN 4:25

Ki Adam bo ki buḷoinea bui nokouḻí kon adí ḷoḷaki. Guman i Hawa, “Ki Allah aindon nobogoi bui kon inakó in adí ḷoḷaki tobatú nobaḻí toḻiu i Habel, inta ain iḻimod i Kain.” Tuamai sinangoian i Hawa in adí tatua ki Set.

KINOBAḺIAN 5:29

Ki Lamekh in noguman, “Adí tanaa mokogaat kon saged naton kon dodai in kita rumoriga in mogaid mononggobá kon butá inta kinutuk i Tuhan.” Tuamai sinangoian i Lamekh in adí tatua ki Nuh.

PINOGIAPAN 31:17

Dá, naa in ḻimodon in bayongan adí ḷoḷaki bo bobay mita inta ain pinobuḷoi.

KINOBAḺIAN 3:24

Onda intua, kon dotá in pomukaan kon taman tatua kon tayowon ngara tumuot, sinampat i Tuhan Allah in kerub mita, bo kedang tobatú modokot inta moburow monangkaḻibu magí mako, sin moḷukad kon daḷan mopobayá in pangkoi inta mobogoi in kobiagan tua. Natua inaidan i Allah dá diá tobatúmai intau in motaau tumuot bo dimiug kon pangkoi in kayu tatua.

KINOBAḺIAN 4:2

Bo ki Hawa in bui nopononggadí in adí ḷoḷaki tobatú, tangoinea in ki Habel. Ki Habel in nobaḻí gombala in domba, táe ki Kain nobaḻí monononggobá.

MAZMUR 127:3

Adí mita in ki Allahbí in nobogoi, totuubí kon mosia tua in totabibí.