KINOBAḺIAN 37:33 - Alkitab Singog In Mongondow Masa In Tanaa

³³ Kinotaauan i Yakub in jubah tatua, bo sia in noguman, “Totuu, jubah i adíku in naa! Pasti sia dinomokdon in mahaḷuk mokokaan kon intau. Kaasí, ki adíku ki Yusup ain minatoi pinoguraat in mahaḷuk tatua!”

KINOBAḺIAN 37:33 Referans Kwoze

KINOBAḺIAN 44:28

Inta muna ain nonaḷámai kon inakó. Notantúdon kon sia tua ain dinomok in mahaḷuk moraat, sin nodapotdon kon tanaa mako diádon in sia inontongku bui.

KINOBAḺIAN 37:20

Igai ḻimodon naton in sia bo awaknea ḷabúon naton kon bonu in parigí inta noingkag. Bain poguman naton kon sia in dinomok in mahaḷuk inta mokokaan kon intau. Bain indoian naton onu in mobaḻí soaḷ togoindopnea mita tatua.”

YOHANES 13:7

Ki Yesus in notubag, “Diápabí kinomangaḻeanmu onu in pomiaan-Ku naa, táe bain komangaḻeanmu.”

AMSAL 14:15

Intau bodok in mopirisayabí kon bayongan in tosingogon, intau mobijaksana in umuranbí mokopoingat.

DATU MITA 2 2:24

Ki Elisa in nobobui bo inimindoi kon i monia bo nogodi-godi kon i monia pinodoyon kon tangoi i Tuhan. Kon dodai doman intua iḷumuaidon in beruang kobaayan doyowa nongkon kayuon bo nomera-merak kon opat nopuḷú bodoyowá in mongoadí inta kon sigad in mongoadí mita tatua.

DATU MITA IMITÁNEA 13:24

bo minayádon in nabi tatua. Kon yuak in daḷan sinontomu in sia in singa tobatú bo dinomok pinatoi. Awaknea in noitongkob kon daḷan, bo keledainea in sinimindog mako kon diugnea. Singa tatua in sinimindog doman mako kon tua.

KINOBAḺIAN 37:32

Onda intua jubah tatua pinoki atod monia kon i amá monia takin koyow, “Jubah tanaa nouḻí nami. Pirikisaka mongo jubah i adí i Papa in naa?”

KINOBAḺIAN 42:38

Táe ki Yakub in noguman, “Diá! Ki Benyamin diábí motaau diaan monimu; ki guya-guyangnea ain minatoi bo tanaa dongkadon sia in oyúon. Dika-dika sia in mobodito doman kon binayáan tatua. Akuoi naa ain nogoguyang, bo robonoḷ in gina inta popoangoi monimu tua in mokopopisídon kon kopatoianku.”

KINOBAḺIAN 44:20

Kami ain notubag, ‘Ki Amá nami ain nogoguyang bo ki ai-ai nami pinononggadí kon dodai in ki amá nami ain noguyang. Ki guya-guyang toináan i ai-ai nami tua ain minatoi, dá tanaa dongkadon sia in nobiagpa in kon sigad i nayadua, bo ki papa totok in motabi kon inia.’

KINOBAḺIAN 48:11

Bo ki Yakub in nogumandon kon i Yusup, “Totok bidon diá kon gina-ginaku mako kon buipa akuoi moyodungkuḷmu, táe tanaa ki Allah nobogoipa doman in wakutu kon inakó noyodungkuḷ i adímu mita.”