KINOBAḺIAN 37:28 - Alkitab Singog In Mongondow Masa In Tanaa

²⁸ bo naonda in tongonumai intau in Midian mododagang noitaḻib, ki Yusup pinoḷuaidon i guya-guyangnea mita nongkon bonu in parigí tatua bo pinotaḷui kon intau Ismael tatua, boḻinea in doyowa nopuḷú in doit saḷaka. Onda intua ki Yusup diniadon in podagang mita tatua minayá in Mesir.

KINOBAḺIAN 37:28 Referans Kwoze

OUMAN IN RASUL MITA 7:9

Táe popisí in mointoi kon i Yusup dá mogoguyang naton ibanea tua in nopotaḷui kon i Yusup kon intau in Mesir, táe umuran sinakinan i Allah in sia,

MAZMUR 105:17

Táe Sia in nopotabá kon intau tobatú inumuna kon i monia, ki Yusup, inta ain pinotaḷui nobaḻí ata.

KINOBAḺIAN 25:2

Ki buḷoinea tatua nopononggadí in adí mita inta naa in tangoi monia: ki Zimran, ki Yoksan, ki Medan, ki Midian, ki Isybak, bo ki Suah.

MATIUS 26:15

Bo noḻibó, “Onu in ogoi monimu kon i nakó, aka Sia posarakanku kon i monimu?” Dá inogoian monia in doit saḷaka toḷu nopuḷú in sia.

KINOBAḺIAN 37:36

Kon dodai intua, kon Mesir, intau mita in Midian ain nopotaḷui kon i Yusup kon i Potipar, tobatú pogawai i datu inta pongawal Komaḻig.

KINOBAḺIAN 37:25

Kon tungkuḷ in mosia koyogot mongaan, indoianmai noitaḻibdon in kapilah intau in Ismael, intau tatua kon binayáan nongkon Gilead mopobayá in Mesir. Unta mita monia nodatog kon pododungú mita, balsam bo taḷong.

MATIUS 27:9

Naonda intua nobaḻí, dá notompodon Pirman inta pinoyaput i Nabi Yeremia, “Mosia in notarima kon doit saḷaka toḷu nopuḷú, boḻi inta ain sinantú kon sigad in intau Israel, inta pas poguboḻi kon i-Nia.

YESAYA 60:6

Butámu in posipunandon in unta mobayong, mosia in mamangoi nongkon Midian bo Epa. Nongkon Syeba intau modia kon buḷawan bo kamania, sindaḷan modayow kon aid i Tuhan.

MAZMUR 83:9

Asyur in dinumugang domandon kon i monia, nobaḻí intau inta pinirisaya in buí i Lot.

HAKIM MITA 8:24

Tongá noiduduimai kon tua ki Gideon noguman nanaa, “Tongá tobatú in igumonku; nganti-nganting inta inagow monimu kon musung, ogoidon komintan kon inakó.” (Intau in Midian nobiasa mogi nganti-nganting buḷawan; ná doman intau ibanea inta nogutun kon padang gurun.)

HAKIM MITA 8:22

Onda intua umat in Israel nogumandon kon i Gideon, “Iko in aindon nopoḷuat kon inami nongkon kawasa in intau in Midian. Tuamai in ikodon in mobaḻí itoi nami – iko bo buímu.”

PINOGIAPAN 25:17

“Tayowaidon in intau in Midian, bo yompatdon in mosia

PINOGIAPAN 25:15

Bobay tatua tangoinea in ki Kozbi; sia in ki adí i Zur, itoi tobatú in inanakan kon Midian.

KINOBAḺIAN 39:1

Ki Yusup ain dinia in intau mita Ismael tatua kon Mesir, bo pinotaḷui kon i Potipar, tobatú porwira i datu inta nokadai kon jabatan saḷaku tongguḷu in moḷoḷukad kon komaḻig.

KINOBAḺIAN 50:15

Naonda in ki amá monia minatoi, ki guya-guyang mita i Yusup in noguman, “Naonda-ondadon mako aka kuma ki Yusup umuran motagú mako kon gina bo moibog monuḻí kon aid moraat naton koḻipod?”

KINOBAḺIAN 40:15

Sin, sabanarnea koḻipod akuoi sinakow nongkon butá intau Ibrani bo kon naa, kon Mesir, akuoi in diábí kon dodai in onda in nogaid kon inta moraat nodapot in akuoi pinotuot kon bonu in ponjara tanaa.”

IḶUAIAN 21:16

Ki ine in monangag kon intau tobatú, musti hukumon matoi, pinomayá intau tatua ain pinotaḷuinea ande kon baḷoineapa.

YEREMIA 38:13

Bo inugut pinoonik monia in akuoi, iḻumuai nongkon parigí tatua. Nopaḷut mako kon tua akuoi sinahang kon palas in komaḻig.