KINOBAḺIAN 37:20 - Alkitab Singog In Mongondow Masa In Tanaa

²⁰ Igai ḻimodon naton in sia bo awaknea ḷabúon naton kon bonu in parigí inta noingkag. Bain poguman naton kon sia in dinomok in mahaḷuk inta mokokaan kon intau. Bain indoian naton onu in mobaḻí soaḷ togoindopnea mita tatua.”

KINOBAḺIAN 37:20 Referans Kwoze

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

AMSAL 27:4

Torú tua in moromú bo mokorimumud, táe tumayow kon intoi ki ine in mokoigon?

DATU MITA 2 2:24

Ki Elisa in nobobui bo inimindoi kon i monia bo nogodi-godi kon i monia pinodoyon kon tangoi i Tuhan. Kon dodai doman intua iḷumuaidon in beruang kobaayan doyowa nongkon kayuon bo nomera-merak kon opat nopuḷú bodoyowá in mongoadí inta kon sigad in mongoadí mita tatua.

YOHANES 3:12

Moiko in diá mopirisaya aka Akuoi mongonguman kon inimu in soaḷ mita nongkon dunia, dá naondabí in moiko mopirisaya aka Akuoi in mongonguman kon i monimu kon soaḷ mita inta nongkon soroga?

AMSAL 10:18

Intau inta mobuni kon yaat in gina yo sia in intaubí mouboḷ. Intau inta moponapud magí mako in uboḷ in intaubí dondunguḷ.

AMSAL 1:16

Diábí mosanang in gina monia, aka diápa mogaid kon inta moraat. Ibogon monia in ḷagibí moḻimod.

MAZMUR 64:5

Nongkon pinogadopannea mosia in mopoyaput in ouman mita uboḷ, diábí in ondok monia moponapud in uboḷ kon intau inta diá kotaḷá.

DATU MITA IMITÁNEA 13:24

bo minayádon in nabi tatua. Kon yuak in daḷan sinontomu in sia in singa tobatú bo dinomok pinatoi. Awaknea in noitongkob kon daḷan, bo keledainea in sinimindog mako kon diugnea. Singa tatua in sinimindog doman mako kon tua.

SAMUEL 1 26:2

Dá ḷagidon in ki Saul nobuat takin tontara toḷu noribu inta mongopia totok kon Israel, minayá in padang gurun Zip sin motayak kon i Daud.

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

SAMUEL 1 24:20

Moḷawábí totok in intau tobatú in moyodungkuḷ in musungnea táe tongá pobiónea mako in musungnea tatua in mobiag! Dá, igumon mako ki Tuhan in momarakat kon inimu sin aidmu inta mopia kon inakó singgai in naa!

KINOBAḺIAN 37:19

Mosia nosigumanan tobatú bo tobatú, “Indoiaika, ki totumogoindop tatua nion taya-tayamangoi.

KINOBAḺIAN 37:26

Bo ki Yohuda in noguman kon i utatnea mita, “Onubí in mangaḻenea kita moḻimod kon i ai-ai naton bodongka mobuni kon tua?

KINOBAḺIAN 37:32

Onda intua jubah tatua pinoki atod monia kon i amá monia takin koyow, “Jubah tanaa nouḻí nami. Pirikisaka mongo jubah i adí i Papa in naa?”

KINOBAḺIAN 37:33

Kinotaauan i Yakub in jubah tatua, bo sia in noguman, “Totuu, jubah i adíku in naa! Pasti sia dinomokdon in mahaḷuk mokokaan kon intau. Kaasí, ki adíku ki Yusup ain minatoi pinoguraat in mahaḷuk tatua!”

KINOBAḺIAN 45:3

Ki Yusup in noguman kon i utatnea mita, “Akuoi naa in ki Yusupbí. Nobiagpa in ki papa?” Nokoontongmai kon natua in ki utatnea mita noondokdon totok, dapot in mosia diádon nokotubag.

AMSAL 1:10

Aka intau binaradosa monongganut kon inimu, adíku, dikabí duduianmu in tongganut monia.

YESAYA 28:15

Moiko in noguman kon moiko ain nomia kon dodandian takin popatoi bo ain nomia kon yopakat takin dunia in intau minatoi. Notantúdon kon i monimu kon bodito inta moiduduimai in diábí moiantug kon inimu, sin moiko in momaké in akaḷ monimu pogoḻingoi kon awakmu.