KINOBAḺIAN 35:21 - Alkitab Singog In Mongondow Masa In Tanaa

²¹ Nopaḷut mako kon tua ki Yakub nongingguputdon kon bobayáannea, bo noposindog in ḷoḷaigannea kon tampat tobatú kon ḻimakomai in ḷangkeang Eder.

KINOBAḺIAN 35:21 Referans Kwoze

MIKHA 4:8

Bo iko Yerusalem, tampat pinoḷukadan i Allah kon umat-Nea naonda bo gombala noḷukad kon paanan in dombanea, iko in buibí mobaḻí ki iná in kotá in dodatuanmu ná dungkuḷmai.

LUKAS 2:8

Doḷom tua in kon ḻipú tatua, oyúon in gombala mita inta yogot in moḷukad kon domba mita monia.

YOSUA 15:21

Kotá mita inta totok in moyayú kon dotá in toḷatan, inta nobaḻí kapunyaan i Yohuda, tuata inta noiukat kon pinosigadan in Edom, tua komintan doyowa nopuḷú bo siow in kotá, noituot domandon in ḻipú mita inta kon diugneamai. Kotá mita tatua in: Kabzeel, Eder, Yagur, Kina, Dimona, Adada, Kedes, Hazor, Yitnan, Zip, Telem, Bealot, Hazor-Hadata, Keriot-Hezron (tuata in Hazor), Amam, Sema, Molada, Hazar-Gada, Hesmon, Bet-Pelet, Hazar-Sual, Bersyeba, Baala, Iyim, Ezem, Eltolad, Khesil, Horma, Ziklag, Madmana, Sansana, Lebaot, Silhim, Ain bo Rimon.