KINOBAḺIAN 35:1 - Alkitab Singog In Mongondow Masa In Tanaa

¹ Kon singgai tobatú ki Allah in noguman kon i Yakub, “Akuoi naa in ki Allah inta nokipogontong kon inimu kon wakutu iko noḷagui kon i Esau, ki guya-guyangmu tua. Ḷagidon bayá in Betel. Pogutundon kon tua bo pogaidon kon mezbah tobatú kon i-Nakó.”

KINOBAḺIAN 35:1 Referans Kwoze

KINOBAḺIAN 31:13

Akuoibí naa in ki Allah inta nokipogontong kon inimu kon Betel. Kon tua iko ain noposindog in batu tompoingat tobatú, poḷat nopobutak in ḷana zaitun kon tudunea. Kon tampat doman tatua iko nongibot kon inakó. Tanaa pobasadiadon bo pobuidon kon butá kinolahiranmu.’ ”

HOSEA 12:4

Pinangkoipa kon bonu in bobuḷadían, ki Yakub mogoguyang monia ain nonisí kon i Esau ki utatnea apang; bo naonda in noitoidon, ki Yakub noridomok i Allah.

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.

KINOBAḺIAN 35:7

Kon tua ki Yakub noposindog in mezbah bo sinangoiannea in tampat tatua “El-Betel”. sin ki Allah ain nokipogontong kon inia kon tua kon dodai in sia noḷagui kon i guya-guyangnea.

KINOBAḺIAN 31:3

Bo ki Tuhan in noguman kon i Yakub, “Pobuidon kon butá i amámu bo kon i utat bo ginaḷummu. Akuoi in koyota-yotakinmubí.”

MAZMUR 47:4

Pinopountung-Nea in kita kon bangusa mita, binaḻí-Nea in kita mongogawasa kon suku mita in bangusa.

IḶUAIAN 2:15

Onda in dinongogdon i datu onu in nobaḻí tua, sia notayakdon kon naonda in poḷoḻimod kon i Musa. Táe ki Musa in noḷagui bo minayá nogutun kon butá in Midian. Imang nongkon Midian, inta tangoinea ki Yitro, kogadí kon bobay taya pitu. Kon singgai tobatú, ki Musa ḻimitú mako kon diug in parigí tobatú, namangoidon in ki adí bobay i Yitro taya pitu tua sin monangkob bo momonu kon tampat pongonginuman in paanan in bembé bo domba i amá monia.

KINOBAḺIAN 22:14

Tampat tatua sinangoian i Abraham “Ki Tuhan noposadia onu inta paraḷu”. Bo dapot in masai naa intau moguman “Kon tudu in buḷud-Nea ki Tuhan moposadia kon onu inta paraḷuon”.

KINOBAḺIAN 16:8

Malaekat tatua in noguman, “Hagar, bobantung i Sarai, nongkon onda in iko bo mopobayá in onda?” Tubag i Hagar, “Akuoi in noḷagui kon i Sarai ki Tuangku.”

KINOBAḺIAN 12:8

Nopaḷut mako kon tua sia nongingguputdon kon bobayáannea nopobayá in toḷatan, kon butá inta notombu-tombuḷud kon dotá in pomukaan kon kotá in Betel, bo nogaid kon ḷoḷaigan kon sigad in Betel bo kotá in Ai: Betel kon dotá in toyopan bo Ai kon dotá in pomukaan. Kon tua sia in noposindog doman in mezbah tobatú bo nosumba kon i Tuhan.

NAHUM 1:15

Indoiaika, in totabá tobatú mamangoi mongin buḷud mita, modia kon habar mopia, habar kountungan. Ei bangusa in Yohuda, ramedon in singgai moḷobenmu bo uboḻiaidon in dandimu kon i Allah. Butámu in diá bidon tonggataan in intau moraat. Mosia in irimumudon komintan.

MAZMUR 46:1

Mazmur in inanakan i Korah. Kon i itoi in mododondong. Pinongin dondong Alamot.

KINOBAḺIAN 34:31

Táe mosia in notubag, “Kami in doíbí mopomayá mako kon i ai-ai nami pomiaan ná bobay sundaḷ.”

SAMUEL 1 10:3

Ki Samuel in noguman bui, “Nongkon tua iko in mongingguput kon bobayáanmu modapot kon pangkoi in kayu tampat pooibadaan kon Tabor. Kon tua iko in moyodungkuḷ in intau ḷoḷaki taya toḷu inta mopobayá in Betel sin moposumba in kuruban kon i Allah. Intau tobatú in nodia kon ki adí in bembé toḷu, inta tobatú doman in nodia kon roti toḷu, bo inta tobatú doman in nodia kon botutu kuḻit inta kon bonu in anggur.

KINOBAḺIAN 29:1

Ki Yakub nogingguput kon bobayánea bo minayá in butá inta kon dotá in pomukaan kon Kanaan.

KINOBAḺIAN 35:15

Tampat tatua sinangoiannea “Betel”.