KINOBAḺIAN 34:10 - Alkitab Singog In Mongondow Masa In Tanaa

¹⁰ Dá tai utat mita in motaaudon mogutun moyotakin nami kon butá tanaa; kon ondakabí in koibog monimu. Tai Utat mita motaaubí in motayak bo mogutun motantú kon naa.”

KINOBAḺIAN 34:10 Referans Kwoze

KINOBAḺIAN 47:27

Natuata intau mita in Israel nogutun notantú kon Mesir, kon butá in Gosyen. Mosia in nobaḻí nooyúon bo nononggadí nononggompu nobayong kon tua.

KINOBAḺIAN 42:34

Naonda in moiko modia mangoi kon i ai-ai monimu inta muit, bain tua bo kotaauanku kon moiko nion in deemanbí mata-mata, táe intaubí motuḻid. Dá ki utat monimu inta sinahangkupa tua in pobuionkudon bui kon i monimu bo moiko in motaaudon mogutun kon butá tanaa bo motaaubí modagang.’ ”

KINOBAḺIAN 20:15

Guman i datu tatua kon i Abraham, “Naadon in bayongan butáku; pogutundon kon ondaka in kinoibogmu.”

KINOBAḺIAN 13:9

Tuamai maníka kitada in moyotontanídon. Piḻídon kon dotá onda in butá inta koibogmu. Aka iko mopobayá ná koḷoigi dá akuoi in mopobayá ná koḷanan, aka iko mopobayá ná koḷanan dá akuoi mopobayá ná koḷoigi.”

KINOBAḺIAN 34:9

Koḻigaidon in kita mogaid kon yopakat in tosingogon kon bangusa i Utat bo bangusa nami in motaaudon motonibuḷoi.

KINOBAḺIAN 34:11

Bo ki Sikhem noguman kon i amá i Dina bo kon i guya-guyangnea mita, “Duduiaidon in oigumku tanaa, dá akuoi in dumudui bidon kon onuka in kinoibog monimu.