KINOBAḺIAN 33:5 - Alkitab Singog In Mongondow Masa In Tanaa

⁵ Naonda in ki Esau nokoontong kon bayongan bobay takin adí mita tatua, sia in noḻibó, “Ki ine in mosia inta noyotakinmu tanaa?” “Mosia naa in ki adíku mita,” tubag i Yakub, “Ki Allah ain noponotabi in adí mita tatua kon inakó.”

KINOBAḺIAN 33:5 Referans Kwoze

MAZMUR 127:3

Adí mita in ki Allahbí in nobogoi, totuubí kon mosia tua in totabibí.

YESAYA 8:18

Naa in akuoi bo adí mita inta inogoi i Tuhan kon inakó. Ki Tuhan Inta Totok in mokawasa inta nomarenta kon Buḷud in Sion, nopotabá kon inami mobaḻí tomponuot kon umat in Israel.

KINOBAḺIAN 48:9

Tubag i Yusup, “Naa in ki adíku mita inta inogoi i Allah kon inakó kon naa, kon Mesir.” Ki Yakub in noguman, “Podiugdon mangoi kon inakó in mosia sinbá barakatanku.”

IBRANI 2:13

Ki Yesus in noguman doman nanaa: “Ki Allah in nobaḻí oandoḷan in pirisaya-Ku.” Bo Sia in noguman doman nanaa, “Naadon Akuoi noyotakin in adí mita inta ain inogoi i Allah kon i-Nakó.”

TAWARIKH 1 28:5

Sia in nobogoi in adí nobayong kon inakó bo nongkon bayongan i adíku tatua piniḻí-Nea in ki Salomo sin momarenta kon Israel, dodatuan i Tuhan.

SAMUEL 1 1:27

Adí tanaa inta inigumku kon i Tuhan. Sambayangku in sinubagandon,

RUT 4:13

Dá ki Boas in nogamádon kon i Rut nobaḻí ki buḷoinea. Ki Tuhan in nomarakat kon i Rut dá nonogusiandon in sia bo nopononggadí in adí ḷoḷaki tobatú.

KINOBAḺIAN 30:2

Ki Yakub sinumorú kon i Rahel bo noguman, “Akuoi naa in deemanbí ki Allah. Ki Allahbí tua in nopobaḻí kon inimu bantó.”

KINOBAḺIAN 33:6

Onda intua bobantungnea mita takin ki adí mita monia inumuna bodongka nosumba.