KINOBAḺIAN 33:19 - Alkitab Singog In Mongondow Masa In Tanaa

¹⁹ Noiduduimai kon tua sinaḷuineadon in tampat tatua nongkon intau mita inta buí i Hemor, ki amá i Sikhem, boḻinea mogatut doit saḷaka.

KINOBAḺIAN 33:19 Referans Kwoze

OUMAN IN RASUL MITA 7:16

Tuḷan mita monia in dinia domandon minayá in Sikhem bo iḷobong kon tua. Butá inta inuboḻian i Abraham kon suku bangusa in Hemor kon Sikhem.

YOHANES 4:5

Dá nodapotdon in ki Yesus kon kotá tobatú kon Samaria, Sikhar in tangoinea. Ḻipú tatua diá noyayú nongkon butá inta inogoi i Yakub koḻipod kon i Yusup, ki adínea.

YOSUA 24:32

Tuḷan mita i Yusup dinia in umat in Israel nongkon Mesir, iḷobong kon Sikhem kon butá inta ain sinaḷui i Yakub mogatut in doit saḷaka nongkon i adí mita i Hemor, ki amá i Sikhem. Butá tatua pinononsilai kon buí i Yusup.

KINOBAḺIAN 33:20

Onda intua sia in noposindog in mezbah kon tua bo sinangoiannea “El, Allah Israel”.

KINOBAḺIAN 23:13

bo takin kodongo-dongog in bayongan intau, sia in noguman kon i Epron, “Akuoi in mopoigum, indongogaipa in akuoi. Akuoi in moibog motaḷui kon bayongan in gobá tatua. Tarimadon in doit tanaa, sinbá akuoi in moḷobongdon kon i buḷoiku kon tua.”

KINOBAḺIAN 23:15

“Butá inta boḻinea tongá opat nogatut doit saḷaka–onubí in mangaḻenea intua kon i natonda? Ḷobongdon ki buḷoi tuang kon tua.”

HAKIM MITA 9:28

“Ki ine in kita naa nodapot in kita naa mustibí mohoromat kon i Abimelek?” guman i Gaal. “Ki inebí in sia tua? Sia tua in ki adí i Gideon kon i Zebul bobantungnea tua inta ain nobaḻí ata i Hemor, ki amá i Sikhem, mogoguyang naton!”