KINOBAḺIAN 32:5 - Alkitab Singog In Mongondow Masa In Tanaa

⁵ Tanaa akuoi ain nokouḻí kon sapi keledai, domba, bembé bo bobantung mita. Akuoi mopoyaput in habar kon i tuangku, takin moharap mako kotabimupa in akuoi.’ ”

KINOBAḺIAN 32:5 Referans Kwoze

KINOBAḺIAN 33:8

Ki Esau noḻibó, “Onu in makusudmu takin rombongan mita inta noyodungkuḷku koina?” Ki Yakub in notubag, “Moposanang kon gina in Guya-guyang.”

KINOBAḺIAN 33:15

Guman i Esau, “Aka natua, dá bain taḷaanku in tongonumai intau inta noyotakinku naa.” Táe ki Yakub in notubag, “Donaaidon mosusamai, akuoi in tongábí moibog moposanang gina in Guya-guyang.”

AYUB 6:22

Nongonu? Degá oyúon in inigumku kon inimu? Andeka nopotabá kon inimu nobogoi in doit kon intau popisí in kopontinganku?

SAMUEL 2 16:4

Bo nogumandon in ki datu kon i Ziba, “Pinangkoidon kon tanaa bayongan kapunyaan i Mepiboset in mobaḻídon kapunyaanmu.” “Sukur moantó Tuang,” tubag i Ziba. “Igumon mako ki Tuang umuran mopia in gina kon inakó!”

SAMUEL 1 1:18

Tubag i Hana, “Igumon mako in akuoi mokouḻí kon totabi i Amá.” Onda intua minayá in sia, bo nongaan; bo diádon noajar in ginanea.

RUT 2:2

Kon singgai tobatú ki Rut noguman kon i Naomi, “Iná, ogoipa in akuoi mayá in gobá mopuyut kon gandum inta degá nopipik ande kinotaḷáan in mokokoyut mita. Rasaanku in oyúonbí in intau motabi bo mopomayá mako kon inakó mopuyut kon tua.” “Mopia, uḻe!” tubag i Naomi, “bayádon!”

KINOBAḺIAN 47:25

Tubag monia, “Ki Tuang ain noposaḷamat kon inami dá kami mopoyaput in sukur moantó. Kami in morelabí mobaḻí bobantung i datu.”

KINOBAḺIAN 33:11

Poigumonku, tarimadon in sosumba inta diniaku tanaa. Ki Allah ain notabi kon inakó bo ain nobogoi in bayongan yagi-yagi inta paraḷuku.” Ki Yakub umuran nodondouḷug kon i Esau, nodapot in aher mako sinarimaneadon.

KINOBAḺIAN 31:16

Bayongan kaoyúonan inta ain ginamá i Allah nongkon i amá nami sabanarnea kapunyaanbí nami bo i adí mita nami. Dá aidaidon onu inta pinoki aid i Allah kon inimu.”

KINOBAḺIAN 30:43

Tua in pinomia i Yakub bo sia nobaḻí nobiag nooyúon totok. Sia kopaanan bembé domba, unta, keledai bo bobantung mita.

LUKAS 12:45

Tongá aka bobantung tatua bo moraat bo mosingog doman kon bonu in gina nanaa, ‘Ki tuangku in diápabí moiangoi,’ bo nomangkoi in sia momongkug kon bobantung mita ibanea ḷoḷaki-bobay bodongka mayá mongaan bo monginum dapot moḷoḷangu,

KINOBAḺIAN 31:3

Bo ki Tuhan in noguman kon i Yakub, “Pobuidon kon butá i amámu bo kon i utat bo ginaḷummu. Akuoi in koyota-yotakinmubí.”