KINOBAḺIAN 32:29 - Alkitab Singog In Mongondow Masa In Tanaa

²⁹ Ki Yakub in noguman, “Pogumandon tangoi Tuang.” Táe intau tatua notubag, “Diábí paraḷu iko moḻibó mongo ki ine in tangoiku!” Bo binarakatanneadon in ki Yakub.

KINOBAḺIAN 32:29 Referans Kwoze

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

AYUB 11:7

Umpaka dá kaadaan i Allah in kotaauanmu? Umpaka yo kawasa-Nea in komangaḻeanmu?

LUKAS 1:19

Dá guman in malaekat tatua, “Akuoi naa in ki Gabriel inta nogundoi kon i Allah, bo ki Allah tontaní in nopotabá kon inakó mopoyaput in habar mopia tanaa kon inimu.

HOSEA 6:1

Intau mita in Israel in noguman, “Igai mobuidon in kita kon i Tuhan. Siabí inta nopororiga kon i naton, táe Siabí doman inta monompia. Sia in nonongkekeb, táe Siabí doman in mobakut kon kekeb mita naton.

AMSAL 30:4

Intaubí táonda in nokoimontandon in noponik noponag kon soroga? Nokoimontandon degá in sia norangkom mako kon tompot, bo mopobakut in ḷambungnea kon tubig, andeka nonantú kon sigad mita in dunia? Ki ine in sia, bo ki ine in ki adínea? Notantúbí kon kinotaauanmu!”

ULANGAN 29:29

Tongonu nopasaḷ in binuni i Tuhan Allah naton; táe hukum-Nea in pinoniata-Nea kon i naton, bo kita takin buí naton in musti umuran dumudui modapot in adí bo ompu.”

KINOBAḺIAN 35:9

Naonda in ki Yakub nobui nongkon Mesopotamia, ki Allah bui nokipogontong kon inia bo nomarakat kon inia.

KINOBAḺIAN 35:10

Guman i Allah kon inia, “Iko in diá bidon tangoion ki Yakub, táe tangoion bidon ki Israel.” Natuata in ki Allah noponangoi kon inia ki Israel.

PINOGIAPAN 20:14

Onda intua nongkon Kades, ki Musa nopotabá in totabá mita sin mayá mokipodungkuḷ kon i datu in Edom. Guman monia, “Kami in nongkon suku mita in Israel inta oyúonpa in tondoḷ in kompong i Tuangku. Degá kinotaauan bidon i Tuangku in yoyiga inta noiantug kon inami.

DATU MITA IMITÁNEA 18:31

Nogamá in sia kon batu mopuḷú bodoyowá, batu tobatú mobaḻí toḻiu in suku doman tobatú inta buí i Yakub, intau mita inta ain sinangoi Israel i Tuhan.

DATU MITA 2 17:34

Umaai in singgai naa mosia in umuranpabí doman mopobayá in adat kabiasaan monia. Mosia in diábí moibada kon i Tuhan bo diá doman motoindudui kon hukum mita bo parenta-Nea mita inta inogoi-Nea kon buí i Yakub, inta sinangoian-Nea doman Israel.

TAWARIKH 1 1:34

Ki Ishak ki adí i Abraham in kogadí kon adí ḷoḷaki doyowa, ki Esau bo ki Yakub (inta sinangoi doman Israel).