KINOBAḺIAN 31:46 - Alkitab Singog In Mongondow Masa In Tanaa

⁴⁶ Bo sia in nopotabá kon intaunea mita nosipun kon batu bo ginuntuḷ kinoḷantud. Nopaḷut mako kon tua mosia in nongaan noyotakin kon diug in guntuḷan batu tatua.

KINOBAḺIAN 31:46 Referans Kwoze

MOHOHUTUBA 3:5

wakutu mosiug moyotakin, bo wakutu moyoguat kon tosiugan, wakutu monggakap bo wakutu monahang kon gina.

SAMUEL 2 18:17

Onda intua mayat i Absalom binuat bo pinogonag kon bonu in parigí inta moonag kon kayuon. Parigí tatua binumbunan monia in batu nodapot in kinoḷantud. Bayongan tontara in Israel noḷagui nobui kon baḷoinea-baḷoinea.

YOSUA 7:26

Nopaḷut mako kon tua binumbunandon monia in tampat tatua in batu inta mobarong totok bo dapot in tanaa oyúonpa doman intua. Tuamai in tampat tatua in sinangoianpa Ḷopá in Roriga. Dá noobotdon in torú i Tuhan.

KINOBAḺIAN 31:54

Sia in noratá kon biag tobatú bo pinosumbanea kon tudu in buḷud tatua. Bo inoiníneadon in intaunea mita sin mongaan moyotakin. Naonda in nopaḷut mako nongaan, mosia in nogogaipa kon tudu in buḷud tatua.

KINOBAḺIAN 31:37

Tanaa, naonda in noḷekai kon bayongan barangku, yo oyúon degá in nouḻímu in barang kapunyaanmu? Poḷuaidon in barang tatua bo ukatdon kon naa, sinbá intauku mita bo intaumu mita mokoontongdon bo monantúdon mongo ki ine in kon sigad naton in mobanar.

KINOBAḺIAN 31:32

Soaḷ patong tatua, aka mouḻímu in tobatú intau kon naa inta ain nonakow yo intau tatua hukumon matoi. Tayakdon, mongo oyúon in kapunyaanmu kon naa. Aka oyúon, yo gamádon. Bo intau mita naton in mobaḻí sakusi.” Diábí kinotaauan i Yakub kon ki Rahelbí tua in nonakow kon patong tatua.

KINOBAḺIAN 31:23

Bo ki Laban nosipundon kon intaunea mita bo noyotakindon monia nogaḷow kon i Yakub pitu nosinggai in koonggotnea nodapot in kinobatukannea kon butá in buḷud Gilead.

KINOBAḺIAN 31:45

Onda intua ki Yakub nogamá kon batu tobatú bo pinosindognea nobaḻí batu tompoingat.

KINOBAḺIAN 31:47

Ki Laban nonangoi kon guntuḷan batu tatua Yegar-Sahaduta, yo ki Yakub nonangoi kon tua Galed.