KINOBAḺIAN 30:2 - Alkitab Singog In Mongondow Masa In Tanaa

² Ki Yakub sinumorú kon i Rahel bo noguman, “Akuoi naa in deemanbí ki Allah. Ki Allahbí tua in nopobaḻí kon inimu bantó.”

KINOBAḺIAN 30:2 Referans Kwoze

KINOBAḺIAN 16:2

Ki Sarai in noguman kon i Abram, “Akuoi naa in diádon ogoi Tuhan mononggadí. Tuamai, maníka iko in mosiugdon moyotakin in bobantungku tanaa, sin degá sia motaaupa mopononggadí in adí inta baḻíon ki adíku.” Dá dinuduian i Abram in singog i Sarai tatua.

MAZMUR 127:3

Adí mita in ki Allahbí in nobogoi, totuubí kon mosia tua in totabibí.

DATU MITA 2 5:7

Naonda in binaca i datu in Israel in surat tatua, nomera-merak in sia kon ḷambungnea sin nohawatir, poḷat noguman, “Mobodito, nongonubí degá sin ki datu in Siria tatua in nopoigumbí sinbá undamanku in intau tanaa? Deemanbí in akuoi ki Allah inta oyúon in kawasa momiag andeka momatoi kon intau! Notantú bidon kon ki datu in Siria tua in tongábí motayak kon soaḷ kon inakó!”

SAMUEL 1 1:5

Táe ki Hana in tongá ogoiannea in tongosilai doman sin Ki Tuhan diá nobogoi in adí kon inia. Umpaka natua táe ki Elkana in motabibí totok kon i Hana.

KINOBAḺIAN 50:19

Táe ki Yusup in noguman kon i monia, “Dikabí moondok; sin akuoi in diábí motaau gumamá hak ná ki Allah.

EPESUS 4:26

Aka moiko bo tumorú, yo mokopopia sinbá diá baradosaan popisí in torúmu tatua. Dika tumorú tumongo singgai tua,

MARKUS 3:5

Korogi-rogi in ki Yesus nobobui magí-mako kon intau mita inta kon tua, táe moajar doman totok in gina-Nea sin totuu motogat in gina monia tua. Onda intua Sia in noguman kon intau inta noḻempeng in ḻima tatua, “Sintakdon in ḻimamu.” Dá sinintak doman in intau tatua in ḻimanea, bo baḷú domandon nopia in ḻimanea tatua.

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

MAZMUR 113:9

Sia in noponotabi in adí mita kon buḷoi bobay inta bantó nomaḻí kon inia iná inta noḷunganga in gina bo ihoromat kon baḷoinea. Dayowdon in ki Tuhan!

IḶUAIAN 32:19

Naonda in ki Musa nodiugdon kon ḷoḷaigan tatua, inontongnea in patong sapi buḷawan tatua bo intau mita motayokmai kon tua, dá sinumorúdon totok in sia. Kon tuapa doman, kon sioḷmai in buḷud tatua, pinogonag i Musa in batu inta kodia-dianea tatua dá norimu-rimumud.

KINOBAḺIAN 31:36

Dá sinumorúdon in ki Yakub, “Romúdon onu inta ain inaidanku?” Sia in noḻibó takindon sinumorú totok. “Onu in taḷáku nodapot iko nogaḷow kon inakó?

KINOBAḺIAN 29:31

Naonda inontong i Tuhan kon ki Lea in diá totok kinotabi i Yakub ná tabinea kon i Rahel, dá binaḻídon i Tuhan sia bobay inta motaau mopononggadí in adí, táe ki Rahel in binaḻí-Nea bantó.

KINOBAḺIAN 25:21

Popisí in ki Ribka diá nokouḻí kon adí, dá ki Ishak nosambayang kon i Tuhan sin motuḷung kon i buḷoinea. Bo inindongogandon i Tuhan in sambayang i Ishak, nodapot in ki Ribka sidiadon.

LUKAS 1:42

bo poḷat nosingog noropot, nanaa, “Binarakatandon in iko kon sigad in bayongan bobay! Binarakatan doman in adí inta polahirmu!