KINOBAḺIAN 30:1 - Alkitab Singog In Mongondow Masa In Tanaa

¹ Táe ki Rahel in diápa doman kogadí. Manangka intua nointoidon in sia kon i guya-guyangnea, bo sia noguman kon i Yakub, “Ogoiaidon akuoi in adí, aka diá, yo akuoi in simimpatoidon.”

KINOBAḺIAN 30:1 Referans Kwoze

AYUB 5:2

Tongábí intau inta bodok in matoi dinia in nakit in ginanea.

KINOBAḺIAN 29:31

Naonda inontong i Tuhan kon ki Lea in diá totok kinotabi i Yakub ná tabinea kon i Rahel, dá binaḻídon i Tuhan sia bobay inta motaau mopononggadí in adí, táe ki Rahel in binaḻí-Nea bantó.

KINOBAḺIAN 37:11

Ki guya-guyang mita i Yusup nointoidon kon inia, táe ki amánea umuran moraimai kon togoindop tatua.

KORINTUS 2 7:10

Sin ajar in gina natua mopomungaibí in mopia bo mokosaḷamat. Bo tua in diábí mokomanasaḷ kon intau. Táe aka ajar in gina inta pinodudui in ibog in intau, yo tua in mokopatoibí.

YAKOBUS 4:5

Dikabí anggapon monimu kon diá in dodoyonan Buk Motusi moguman, “Kon bonu in awak naton naa sinampatdon i Allah in Roho inta motogat in ibognea.”

YAKOBUS 3:14

Táe aka moiko in mointoi bo tongá morai kon kopontingan tontaní, donaaibí pongaḷakuang monimu in kabijaksanaan tatua, sin dodia monimu natua in mopoyotuuybí in habar inta nobanar nongkon i Allah.

KORINTUS 1 3:3

sin moiko tantúpabí doman dinumudui kon tabiatmu saḷaku intau. Sin aka oyúonpa doman in ointoian bo yogenggeng kon sigad monimu, yo mangaḻenea kon tua moiko in dumuduipabí kon tabiat in intau, ná intau inta diá nonotaau kon i Allah.

AMSAL 14:30

Gina moonow mokosehat kon awak; intoi naonda bo takit inta mokopatoi.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

GALATIA 5:21

diá mosanang in gina aka mokoontong kon intau ibanea noiḻiu kon batangan, umuran monginum kon inta mokoḷoḷangu, moibo-ibog in rame bo noyagi-yagipa doman in koibog monia. Kon bayongan oaid natua, buikupa doman tongginaan in moiko, ná koḻipod kon tantú mokopoingat, sin intau mita inta nogaid kon soaḷ mita natua diábí mobaḻí umat i Allah.

YOHANES 4:3

Naonda in kinotaauan i Yesus kon tua komintan dinongogdon in intau mita in Parisi, dá Sia in minayá nongkon Yudea bo nobuidon kon Galilea.

MOHOHUTUBA 4:4

Kinotaauanku doman kon intau in totokbí in moḷongasi mogaid, tongá popisí in mointoi in mokoontong kon bungai in siniḷopían in topodiugnea. Tua komintan diá in mangaḻenea naonda bo moḷongasi modomok kon tompot.

MAZMUR 106:16

Kon padang gurun tatua mosia in nointoi kon i Musa bo kon i Harun mogogundoi-Nea inta motusi.

AYUB 13:19

Tuhan, aka Iko in mamangoi bo moponapud kon inakó, yo kibio-biómai in akuoi bo mogoḷat kon kopatoianku.

AYUB 3:11

Nongonu sin akuoi in diábí minatoi kon bonu in bobuḷadían i ináku, andeka minatoi kon dodai in pinononggadí?

DATU MITA IMITÁNEA 19:4

bo minaya-mayá in sioḷ ná padang gurun tosinggai in koonggotnea bo nogogai kon siungon in kayu inta mobambar. Kon tua iḻimitú in sia bo ibogonnea in bá matoidon. “Diádon in akuoi monahang, o Tuhan,” gumannea kon i Tuhan. “Gamádon in nyawaku. Akuoi in diábí mopia-pia nongkon mogoguyangku!”

PINOGIAPAN 11:29

Ki Musa notubag, “Nongonu sin akuoibí in raionmu? Ibogonku mako naa ki Tuhan mobogoi in Roho-Nea kon bayongan bangusa-Nea, bo baḻíon-Nea in mosia komintan tua nabi!”

PINOGIAPAN 11:15

Aka umuran nanaa in pomiaan i Tuhan kon inakó, yo ampungaidon kaasí in akuoi; bo maníka ḷagidon akuoi ḻimod sinbá diádon in akuoi momotaan kon yoyiga ná tanaa.”

AMSAL 30:16

Dunia in intau minatoi, bobay inta diá kon dodai in onda nononggadí, butá noingkag inta mogoḷat mako kon uyan, bo tuḷú inta tantú ḷumekep magí-mako.