KINOBAḺIAN 29:31 - Alkitab Singog In Mongondow Masa In Tanaa

³¹ Naonda inontong i Tuhan kon ki Lea in diá totok kinotabi i Yakub ná tabinea kon i Rahel, dá binaḻídon i Tuhan sia bobay inta motaau mopononggadí in adí, táe ki Rahel in binaḻí-Nea bantó.

KINOBAḺIAN 29:31 Referans Kwoze

MATIUS 10:37

Ki ine in motabi kon i amánea andeka kon i inánea moiḻiu kon tabinea kon i-Nakó sia tua in diá patus mobaḻí dumodudui-Ku. Natua doman ki ine in motabi kon i adínea ḷoḷaki andeka bobay bo moiḻiu kon tabinea kon i-Nakó, sia doman tua in diá patus mobaḻí dumodudui-Ku.

SAMUEL 1 2:21

Ki Hana in binarakatan i Allah, dá buipa nopononggadípa in sia in adí ḷoḷaki toḷu bo adí bobay doyowa. Ki Samuel in koitoi-koitoidon kon wakutu in sia mogundoimai kon i Allah.

MAZMUR 127:3

Adí mita in ki Allahbí in nobogoi, totuubí kon mosia tua in totabibí.

SAMUEL 1 1:5

Táe ki Hana in tongá ogoiannea in tongosilai doman sin Ki Tuhan diá nobogoi in adí kon inia. Umpaka natua táe ki Elkana in motabibí totok kon i Hana.

ULANGAN 21:15

“Aka ḷoḷaki tobatú in kobuḷoi kon doyowa, bo taya dua tumpaḷa nopononggadí in adí ḷoḷaki, táe adí inta muna noilahir deemanbí adí nongkon i buḷoinea inta totok in kinotabinea.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

KINOBAḺIAN 29:30

Ki Yakub nosiugdon noyotakin doman i Rahel, bo ki Rahelbí in kotabi tabinea nongkon i Lea. Onda intua sia nogaid pitupa doman notaong in koonggotnea.

YOHANES 12:25

Intau inta motabi kon kobiagannea, yo kobuḻian sia in kobiagannea tatua. Táe intau inta diá motabi kon kobiagannea kon dunia naa, yo sia tua in moḷukadbí kon kobiagannea inta mononoi.

LUKAS 14:26

“Aka intau mamangoi kon i-Nakó, táe sia in motabi-tabi kon i iná bo kon i amánea andeka kon i adíneabí bo kon i buḷoinea bo kon awaknea tontaní, yo sia tua in diá motaau mobaḻí dumodudui-Ku.

LUKAS 1:7

Tongá mosia naa in diá kogadí, sin ki Elisabet in bantó bo taya dua naa aindon mogoguyang doman.

KINOBAḺIAN 30:22

Bo kinotoropandon i Allah in ki Rahel; ki Allah in notubagdon kon sambayangnea bo inogoi-Neadon sia nononggadí.

KINOBAḺIAN 27:41

Dá ki Esau nosaturudon kon i Yakub pinopisí in ki amánea ain nobogoi in barakatnea kon i ai-ainea tatua. Kon bonu in raiannea, “Diádon moonggot bo ki amánea in matoi bo bain mopaḷut mako kon kopatoian, ki Yakub ḻimodonku!”

KINOBAḺIAN 25:21

Popisí in ki Ribka diá nokouḻí kon adí, dá ki Ishak nosambayang kon i Tuhan sin motuḷung kon i buḷoinea. Bo inindongogandon i Tuhan in sambayang i Ishak, nodapot in ki Ribka sidiadon.

MALEAKHI 1:3

ki Esau in kinodoí-Ku. Butá tombuḷud i Esau in irimumud-Kudon, bo butánea in inogoi-Kudon kon mahaḷuk mita inta mokokaan kon biag ibanea kon padang gurun.”

MATIUS 6:24

“Diábí in tobatúmai intau in motaau monontuang kon doyowa. Sin aka natua, yo tongábí tobatú in kotabinea, yo tobatú in diábí kotabinea, andeka tongábí tobatú in duduiannea, yo tobatú in diábí. Moiko in diábí motaau mobantung kon i Allah bo kon kapunyaanmu.

SAMUEL 1 1:27

Adí tanaa inta inigumku kon i Tuhan. Sambayangku in sinubagandon,

SAMUEL 1 1:20

Bobay tatua in nonogusian bo nopononggadí in adí ḷoḷaki tobatú. Sinangoiannea ki Samuel, gumannea, “Sia in pinoigumkudon kon i Tuhan.”

KINOBAḺIAN 16:1

Ki Sarai, ki buḷoi Abram tatua, diápa doman nokouḻí kon adí. Táe sia in kobobantung tobatú inta mongodeaga in Mesir tangoinea in ki Hagar.

OUMAN IN RASUL MITA 7:8

Sunat in nobaḻí tanda kon dodandian tatua. Dá naonda in ki Ishak inta ki Adí i Abraham noilahirdon, adí tatua pinoki sunat kon singgai iwaḷunea; ki adí i Ishak in ki Yakub. Yo ki adí i Yakub tua in mopuḷú bodoyowá inta nobaḻí mogoguyang naton.

KINOBAḺIAN 29:32

Ki Lea in sidiadon bo nopononggadídon in adí ḷoḷaki tobatú. Gumannea, “Ki Tuhan ain noindoi kon rorigaku, bo tanaa ki buḷoiku in motabidon kon inakó.” Bo sinangoianneadon in adí tatua ki Ruben.

KINOBAḺIAN 35:23

Ki adí mita i Lea in ki Ruben (adí guya-guyang i Yakub), ki Simeon, ki Lewi, ki Yohuda, ki Isakhar bo ki Zebulon.

RUT 4:13

Dá ki Boas in nogamádon kon i Rut nobaḻí ki buḷoinea. Ki Tuhan in nomarakat kon i Rut dá nonogusiandon in sia bo nopononggadí in adí ḷoḷaki tobatú.

KINOBAḺIAN 11:30

Táe ki Sarai in bantó.