KINOBAḺIAN 29:21 - Alkitab Singog In Mongondow Masa In Tanaa

²¹ Nopaḷut mako intua ki Yakub in noguman kon i Laban, “Pitu notaong noitaḻibdon; dá ogoidon in akuoi motonibuḷoi takin i adímu.”

KINOBAḺIAN 29:21 Referans Kwoze

HAKIM MITA 15:1

Diá noonggot kon tua, naonda in sempo in posipúandon kon bungai in gandum, ki Simson minayá nokipodungkuḷ kon i buḷoinea. Sia in nodia kon bembé batánea tobatú sin ogoi kon i buḷoinea tatua. Ki Simson noguman kon i nunutonnea, “Akuoi in tumuotpa kon gopot moyodungkuḷ i buḷoiku.” Táe diá inogoi i nunutonnea in sia.

MATIUS 1:18

Nanaa in ouman kinolahiran i Yesus Kristus: Kon wakutu in ki Maria ki iná-Nea bagupa kinantangan i Yusup, mangaḻenea taya dua naa diápabí notonibuḷoi, táe naanta ki Maria ain bidon sidia. Tongá adí inta kon siannea tua in nobaḻí lantaran kawasa in Roho i Allah.

KINOBAḺIAN 38:16

Bo ki Yohuda dinimiug kon inia kon bingkí in daḷan tatua, bo noḻibó, “Tongonu in igumonmu?” Diábí kinotaauannea kon bobay tatua in ki mototakaneabí tontaní. Ki Tamar in notubag, “Taaudon kon i Tuang.”

KINOBAḺIAN 31:41

Ná domai tua in rorigaku tungkuḷ in akuoi nogaid kon inimu doyowa nopuḷú notaong koonggotnea. Mopuḷú bo opat notaong koonggotnea akuoi nogaid kon inimu sinbá motaau mobuḷoi kon i adímu doyowa tatua – bo onompa doman notaong bui sinbá mokouḻí kon paanan bembé bo domba tatua. Bo solama intua iko ain kopuḷú nomaḷui kon tondan in pinogaidanku.

KINOBAḺIAN 29:20

Dá ki Yakub in nogaidon pitupa notaong in koonggotnea sinbá sia in motaau motonibuḷoi takin i Rahel, táe korasaannea pitu notaong tua in tongá inanggapnea naonda bo tongonumai nosinggai, sin popisí in ibognea totok kon i Rahel tua.

KINOBAḺIAN 29:18

Ki Yakub in noibogdon kon i Rahel, tuamai sia noguman kon i Laban, “Akuoi in mogaid pitupa notaong aka ogoimu akuoi motonibuḷoi takin i Rahel.”

KINOBAḺIAN 4:1

Onda intua ki Adam in nosiug noyotakin i Hawa, ki buḷoinea, bo sidiadon in bobay tatua. Sia nopononggadí in adí ḷoḷaki tobatú, ki Hawa in noguman, “Takin totuḷung i Tuhan akuoi nokouḻí kon adí ḷoḷaki.” Dá sinangoiannea in adí tatua ki Kain.

KINOBAḺIAN 29:22

Ki Laban nomia kon rame ponikaan bo nogoiní kon bayongan intau kon kotá tatua.

ULANGAN 22:13

“Aka ḷoḷaki tobatú motonibuḷoi takin mongodeaga tobatú, bo kon singgai moiduduimai doídon in sia.