KINOBAḺIAN 27:16 - Alkitab Singog In Mongondow Masa In Tanaa

¹⁶ Bo kuḻit in bembé tatua pinopooḻitnea kon ḻima bo sigogow i Yakub inta diá bobubuḷan tatua.

KINOBAḺIAN 27:16 Referans Kwoze

KINOBAḺIAN 27:15

Onda intua ki Ribka nogamádon kon pakeang i Esau inta totok in mogaga, inta sinagúnea kon baḷoi, bodongka pinopopaké kon i Yakub.

KINOBAḺIAN 27:17

Bodongka inogoinea kon i Yakub in dodungúon inta totok in nopira in nanamnea tatua takin roti inta ain pinomianea.

KINOBAḺIAN 27:23

Diádon kinotaauan i Ishak in ki Yakub sin kokaḷnea bobubuḷan doman ná kokaḷ i Esau. Táe kon dodai in ki Yakub barakatanneadon,

KINOBAḺIAN 25:25

Inta guya-guyang batangannea nopuya-puya bo kuḻitnea naonda bo jubah bobubuḷan. Tuamai sinangoian ki Esau.