KINOBAḺIAN 27:15 - Alkitab Singog In Mongondow Masa In Tanaa

¹⁵ Onda intua ki Ribka nogamádon kon pakeang i Esau inta totok in mogaga, inta sinagúnea kon baḷoi, bodongka pinopopaké kon i Yakub.

KINOBAḺIAN 27:15 Referans Kwoze

KINOBAḺIAN 27:27

Naonda in ki Yakub dinimiug sin mongayok kon inia, kinobóan i Yakub in pakeang i Esau, dá binarakatanneadon in ki Yakub. Guman i Ishak, “Bó mobondu i adíku naonda bó in tampat inta binarakatan i Tuhan.

LUKAS 20:46

“Mokopoingat in moiko kon mototundú mita kon agama. Mosia tua in moibo-ibog mogiḷambung moonag aka maya-mayá mako, bo moibog doman totok horomaton kon pasar mita. Mosia tua in moibo-ibog doman ḻimitú kon muna totok aka kon baḷoi pososambayangan bo kon bobutungan mita.

LUKAS 15:22

Táe ki amánea nogoiní kon simpaḷnea mita bo noguman, ‘Koḻikat! Podiaaipa mangoi kon ḷambung inta totok in nopira bo popopaké kon inia. Popopakéai doman in sising kon gongguyamúnea bo ḷutudai domandon in sapatu.

KINOBAḺIAN 27:14

Dá minayádon in ki Yakub nogamá kon bembé mita tatua bo dinianea kon i inánea, bo dinungúdon i Ribka podudui kon inta kinoibog i Ishak.

KINOBAḺIAN 27:16

Bo kuḻit in bembé tatua pinopooḻitnea kon ḻima bo sigogow i Yakub inta diá bobubuḷan tatua.