KINOBAḺIAN 26:29 - Alkitab Singog In Mongondow Masa In Tanaa

²⁹ kon iko in diábí momia kon inta moraat kon inami, ná doman kami inta diábí dodai onda in momia kon inta moraat kon inimu. Kami in notabidon kon inimu bo nopomayádon mako kon inimu minayá takin saḷamat. Noniatadon kon inami kon ki Tuhan ain nomarakat kon inimu.”

KINOBAḺIAN 26:29 Referans Kwoze

KINOBAḺIAN 24:31

Bo ki Laban noguman, “Ki Amá inta binarakatan i Tuhan! Donaai tongá kon ḷuai naa. Koḻigai mayá in baḷoi nami. Ki Amá aindon pinosadiaan nami kon posiugan, bo unta mita i Amá ain doman pinosadiaan nami kon ḷantungnea.”

KINOBAḺIAN 21:22

Kon dodai intua ki Datu Abimelek bo ki Pikhol, panglima in tontaranea, namangoi kon i Abraham bo noguman, “Ki Allah ain notuḷung kon inimu kon bayongan in yagi-yagi inta inaidanmu.

MAZMUR 115:15

Igumon mako moiko in barakatan i Tuhan, inta nomaḻí kon ḷangit bo butá!

KINOBAḺIAN 22:17

Akuoi mobogoi in barakat kobarongon totok kon inimu bo baḻíon-Ku in buímu moantó naonda bo tundi kon ḷangit bo ná kobayong in bungayon kon bingkí in dagat. Ki adí bo ki ompumu in monaḷowdon kon musung mita monia.

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 12:3

Akuoi in momarakat kon intau mita inta momarakat kon inimu bo mongutuk kon intau mita inta mongutuk kon inimu. Bo popisí in iko dá Akuoi in momarakat kon bayongan in bangusa inta kon dunia naa.”