KINOBAḺIAN 26:11 - Alkitab Singog In Mongondow Masa In Tanaa

¹¹ Bo ki Abimelek in nobogoidon in tompoingat kon bayongan in rayatnea nanaa, “Ki ine in moporupa-rupamai kon intau tanaa ande kon i buḷoinea, yo hukumonbí kopatoion.”

KINOBAḺIAN 26:11 Referans Kwoze

MAZMUR 105:15

“Dika monuyayow kon intau mita inta piniḻí-Ku, dika mopoaid in moraat kon nabi-Ku mita!”

KINOBAḺIAN 20:6

Dá ki Allah in notubag kon bonu in togoindop tatua, “Totuu, kinotaauan-Kubí kon soaḷ tatua in inaidanmubí takin gina modarit. Tuamai Akuoi in nogimaḷowdon kon inimu bá diá momia kon dosa kon i-Nakó, bo diábí pomayá-Ku mako iko in moḻiai kon bobay tatua.

AMSAL 6:29

Tua in notongkaibí in mosiug takin buḷoi in intau ibanea. Ki ine in mogaid kon tua diábí kotaḻiban in hukuman.

ZAKHARIA 2:8

Ki ine in monubu kon i monimu, in monububí kon batoḷ in dodob-Ku.” Dá Ki Tuhan Inta Totok in mokawasa in nopotabá kon inakó mopotaau in koyow tanaa kon bangusa mita inta ain nogagow kon umat-Nea,

KINOBAḺIAN 26:12

Ki Ishak nonompinomuḷa kon butá tatua, bo taong tatua sia in nokouḻí kon bungai in boyó mogatut noguntuḷ nongkon onu inta pinomuḷanea, sin ki Tuhan nomarakat kon inia.