KINOBAḺIAN 25:5 - Alkitab Singog In Mongondow Masa In Tanaa

⁵ Umpaka ki Abraham nopotonsilaidon in bayongan kapunyaannea kon i Ishak,

KINOBAḺIAN 25:5 Referans Kwoze

KINOBAḺIAN 24:36

Kon tungkuḷ in ki Sara ki buḷoi tuangku noguyangdon, sia nopononggadídon in adí ḷoḷaki tobatú, bo ki tuangku aindon nobogoi in bayongan kapunyaannea kon i adínea tatua.

IBRANI 1:2

Táe kon singgai tumi naa in ki Adí-Neadon tontaní in pinotabá-Nea nopoyaput in singog-Nea tatua kon i naton. Ki Adí-Nea doman tanaa inta pinopodoyonan i Allah in nomia kon dunia naa. Sia in sinantú domandon i Allah motarima kon bayongan kapunyaan-Nea.

KOLOSE 1:19

Ibogbí i Allah tontaní in mopooyúon kon bayongan in yagi-yagi kon i-Nia, bo bayongan tua oyúon domandon kon i Adí-Nea.

GALATIA 4:28

Utatku mita! Moiko nion in naonda bo ki Ishak inta pinononggadí pinodoyon kon dandi i Allah.

GALATIA 3:29

Bo aka moiko bo ain nobaḻí kapunyaan i Kristus, dá moiko in buíbí i Abraham, tuamai moiko in motarima kon onu inta pinodandi i Allah.

SURAT I PAULUS KON JAMAAT RUM 8:32

Ki Adí-Nea tontaní in diá bidon irekeng-Neamai, táe pinosarakan-Neadon sin kopontingan naton komintan; yo diábí kumaan kon akaḷ aka kita diá ogoian in bayongan yagi-yagi?

SURAT I PAULUS KON JAMAAT RUM 8:17

Dá, aka kita ki adí mita i Allah, yo kita naa in intaubí mita inta mogogabat-Nea bo inta motarima kon barakat mita inta ain sinadia i Allah kon i adí-Nea mita. Kita in noyotakin i Kristus motarima kon onu inta ain sinadia i Allah kon i-Nia; sin aka kita bo mokorasa kon roriga takin i Kristus, yo kita in pomuliaanbí doman moyotakin-Nea.

YOHANES 3:35

Ki Amá motabi kon i Adí-Nea, bo pinosarakan-Neadon bayongan in kawasa-Nea kon i-Nia.

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

MATIUS 11:27

Bo ki Yesus in noguman, “Bayongan yagi-yagi inogoi i Amá kon i-Nakó, bo diá doman tobatúmai in nonotaau kon Adí koḻikudbí in ki Amá, bo diá doman tobatúmai intau in nonotaau kon i Amá kuḻikudbí in Adí bo intau inta kinoibog in Adí popoontongan.

MAZMUR 68:18

Takin puḷúan ribu in kereta inta moropot ki Allah in sinimindog kon yuak monia kon bonu in kamuliaan-Nea.

YOHANES 17:2

Amá inogoi-Mudon in kawasa kon i-Nia sin mongawasa kon bayongan inta nobiag, sinbá Sia in mobogoi doman in kobiagan mononoi kon i monia inta inogoi i Amá kon i-Nia.

KINOBAḺIAN 24:35

Ki Tuhan in nomarakat totok kon i tuangku tua bo binaḻí-Nea nooyúon totok. Ki Tuhan ain nobogoi kon inia in paanan in domba, bembé, sapi, unta, keledai, bo saḷaka doman, buḷawan, takin doman bobantung ḷoḷaki bo bobay.

KINOBAḺIAN 25:4

Ki adí mita i Midian in ki Epa, Ki Eper, ki Henokh, ki Abida, bo ki Eldaa. Mosia tua komintan buí i Ketura.

KINOBAḺIAN 26:14

Intau mita in Pilistin nointoidon kon inia popisí in noantódon in bobantungnea takin domba bo sapinea.