KINOBAḺIAN 25:33 - Alkitab Singog In Mongondow Masa In Tanaa

³³ Guman doman bui i Yakub, “Pongibotdon muna kon ogoimudon in hakmu tatua kon inakó.” Dá nongibot domandon in ki Esau poḷat nobogoi in haknea tatua kon i Yakub.

KINOBAḺIAN 25:33 Referans Kwoze

IBRANI 12:16

Ḷukadaibí doman sinbá diá in intau mobiag mokotor andeka doí moguntun kon soaḷ mita inta nongkon i Allah, ná inta inaidan i Esau. Sia in nobarani totok nopotaḷui in haknea saḷaku adí guya-guyang tongá popisí in kaanon topindan.

IBRANI 6:16

Aka intau bo mongibot, yo mongibotbí in sia podoyon kon tangoi in intau inta moḷantu-ḷantud nongkon inia, dá ibotnea tatua in monginggamádon kon bayongan bobayowan.

KINOBAḺIAN 27:36

Ki Esau in noguman, “Naa induaneadon sia nonguboḷ kon inakó. Patus bo tangoinea ki Yakub. Sia ain nogamá kon hakku saḷaku adí guya-guyang, bo tanaa sia ain nogamá doman kon barakat inta ogoi kon inakó. Degá diádon in barakat ibanea kon i Papa inta ogoi kon inakó?”

MARKUS 6:23

Bo ki Herodes nodandi kon adí tatua poḷat nongibot, kainia, “Onukabí in igumonmu yo ogoikubí, modapotkabí in tobotak in dodatuanku tanaa!”

KINOBAḺIAN 24:3

Pongibotdon podoyon kon i Tuhan, Allah inta nongawasa kon ḷangit bo butá, kon iko in diábí motayak kon bobay inta pobuḷoion i Ishak ki adíku nongkon sigad in intau mita in Kanaan tanaa.

KINOBAḺIAN 14:22

Táe ki Abram in notubag, “Akuoi in mongibot kon tayowon i Tuhan, Allah inta Totok in Moḷantud, inta nomaḻí kon ḷangit bo butá,

KINOBAḺIAN 25:32

Guman i Esau, “Onubí in mangaḻenea in hak tatua kon inakó. Akuoi in gogoyondon totok!”

KINOBAḺIAN 25:34

Onda intua ki Yakub nobogoidon in roti kon inia bo berenebon doman tatua. Ki Esau nongaan bo nonginum bodongka minayá. Natuata in ki Esau nonganggap kon diábí in mangaḻenea in hak saḷaku adí guya-guyang tua.

KINOBAḺIAN 27:1

Kon singgai tobatú kon tungkuḷ in ki Ishak nogoguyangdon bo nobilog domandon, inoinínea in ki Esau, ki adínea guya-guyang, bodongka noguman kon inia, “Adíku!” “Ya, Papa,” tubag i Esau.

KINOBAḺIAN 27:32

“Ki ine in iko?” ki Ishak noḻibó. “Ki Esau ki adí i papa inta guya-guyang,” tubagnea.