KINOBAḺIAN 24:44 - Alkitab Singog In Mongondow Masa In Tanaa

⁴⁴ Aka moibog in sia mobogoi intua, bo moibog doman in sia mobogoi in tubig kon untaku mita, dá sia tuata in igumon mako ogoi i Tuhan mobaḻí buḷoi i adí i tuangku tua.’

KINOBAḺIAN 24:44 Referans Kwoze

KINOBAḺIAN 24:14

Akuoi in moguman kon intau tobatú nongkon sigad monia, ‘Tuḷungaipa bo poponagpa in tampat in tubigmu bo ogoiaipa akuoi in tubig inumonku.’ Aka tubagannea, ‘Ponginumdon, bo unta mita doman i amá in daitonku poinumon!’ Yo sia tuata inta piniḻí i Tuhan kon i Ishak bobantung-Mu tua. Aka ná tatua in mobaḻí, yo kotaauankudon kon ki Tuhan nonotabidon kon i tuangku Abraham.”

PETRUS 1 3:8

Naa in kasimpulannea: utat mita poramuji mobiag motobatú kon tosingogon bo porasaan. Moiko in musti umuran mositabian ná doyowa mogutat. Moiko in musti doman mosituḷungan bo mokopoompá kon dodia.

IBRANI 13:2

Dika moondo-ondok in motarima kon intau mita inta diápa nogogintaauan monimu aka mongandup in sia kon baḷoimu. Sin nokoimontandon in nobaḻí, oyúon intau in noibog pinongandupan in intau mita inta diá nogogintaauannea, bo naanta mosia tua in malaekatbí mita.

TIMOTIUS 1 2:10

Táe ḷambáanbí in oaid mita inta mopia, inta patus kon bobay mita inta moibada kon i Allah.

YESAYA 32:8

Táe intau inta motuḻid in ginanea monomayá kon soaḷ mita inta mopia bo mogaid kon inta mopia doman.

AMSAL 19:14

Baḷoi bo kapunyaan motaaubí in mouḻí nongkon guranga, táe buḷoi bobay inta mobijaksana in barakatbí nongkon i Tuhan.

AMSAL 18:22

Intau inta mokouḻí kon buḷoi bobay, mokouḻí kon kauntungan; buḷoi in barakat nongkon i Tuhan.

AMSAL 16:33

Popisí in monotaau kon ukur, intau mopogonik in undi, táe inta motubag in tongábí ki Tuhan tontaní.

KINOBAḺIAN 2:22

Nongkon gutuk tatua ki Tuhan nomia kon tobatú bobay, bodongka dinia-Nea kon intau tatua.

KINOBAḺIAN 24:43

Akuoi in tantúpabí simindog mako kon diug in parigí tanaa. Aka tobatú mongodeaga mamangoi sin monangkob kon tubig, yo akuoi in moigum kon inia kon tubig inumonku.

KINOBAḺIAN 24:45

Diápa akuoi nopaḷut nosambayang kon bonu in ginaku, namangoidon in ki Ribka nomotaan kon buyung bodongka nonangkob kon parigí tatua. Onda intua akuoi in noguman kon inia, ‘Tuḷungaipa ogoiai akuoi in tubig inumon.’