KINOBAḺIAN 24:14 - Alkitab Singog In Mongondow Masa In Tanaa

¹⁴ Akuoi in moguman kon intau tobatú nongkon sigad monia, ‘Tuḷungaipa bo poponagpa in tampat in tubigmu bo ogoiaipa akuoi in tubig inumonku.’ Aka tubagannea, ‘Ponginumdon, bo unta mita doman i amá in daitonku poinumon!’ Yo sia tuata inta piniḻí i Tuhan kon i Ishak bobantung-Mu tua. Aka ná tatua in mobaḻí, yo kotaauankudon kon ki Tuhan nonotabidon kon i tuangku Abraham.”

KINOBAḺIAN 24:14 Referans Kwoze

HAKIM MITA 6:37

Aka totuu kon natua, dá kon tudu in butá tanaa, tampat inta biasamai pogukatan nami kon gandum nongkon simpungoinea aindon pinopoukatanku kon bubuḷ in domba inta ginonsing. Aka ikoḷom bo tongádon bubuḷ in domba tanaa in mobuntad in oḷú, bo butánea in diá, dá tuata in pinoniataan kon Iko in mopomaké kon inakó mopoḷuat kon umat in Israel nongkon roriga.”

HAKIM MITA 6:17

Tubag i Gideon, “Aka akuoi totu-totuu kinoibog i Tuhan, yo tungkuḷaika ogoiai in tobatú tomponuot kon totuubí kon ki Tuhandon tontaní in nobogoi in parenta tatua kon inakó.

KINOBAḺIAN 15:8

Táe ki Abram in noḻibó, “O, Tuhan Inta Totok in Moḷantud, naondabí in kototaauku kon butá tatua in mobaḻí kapunyaanku?”

YESAYA 7:11

“Poigumdon sinbá ki Tuhan Allahmu in mobogoi in tobatú tomponuot kon inimu, pinomayá nongkon dunia in intau minatoi kon ḻimonag, andeka nongkon ḷangit kon ḻimonik.”

AMSAL 19:14

Baḷoi bo kapunyaan motaaubí in mouḻí nongkon guranga, táe buḷoi bobay inta mobijaksana in barakatbí nongkon i Tuhan.

SAMUEL 2 5:24

Aka kodongoganmudon in singog in sapatu naonda bo intau inta nopipid kon ḷuntung in pangkoi mita tatua, dá pomajudon, sin Akuoi in mayábí kon munamu sin monaḷow kon tontara in Pilistin.”

HAKIM MITA 18:5

Bo mosia in noguman kon inia, “Aka natua, yo tuḷungaipa bo ḻibó kon i Allah mongo bobayáan nami naa in mokodungkuḷ kon onu inta sinayak andeka diá.”

SURAT I PAULUS KON JAMAAT RUM 1:10

Poigumonkupa doman mako kon i Allah sinbá ogoian-Neapa in kasampatan tanaa mako in akuoi mokipodungkuḷ kon i monimu.

SAMUEL 2 20:9

Ki Yoab in noguman kon i Amasa, “Onu in habar, yobayat?” ḻimanea koḷanan in nokadai kon kumi i Amasa naonda bo mongayok kon inia.

SAMUEL 1 20:7

Aka ki datu moguman, ‘Mopiadon,’ dá moaman in akuoi, táe aka ki datu tumorú, dá pokotaaudon kon ki datu in nomontowdon kon tosingogon kon mopobodito kon inakó.

KINOBAḺIAN 24:44

Aka moibog in sia mobogoi intua, bo moibog doman in sia mobogoi in tubig kon untaku mita, dá sia tuata in igumon mako ogoi i Tuhan mobaḻí buḷoi i adí i tuangku tua.’

KINOBAḺIAN 24:13

Indoiaika, akuoi in sinimindog kon diug in parigí tanaa. Topilikpa bo mongodeaga mita nongkon kotá tanaa momangoi monangkob kon naa.

KINOBAḺIAN 24:15

Kon dodai in sia yogotpa mosambayang tua, ki Ribka, mongodeaga tobatú inta totok in moḷunat bo diápa doman dodai onda in nosiug takin ḷoḷaki, noiangoidon kon parigí tatua kodia-dia in buyung inta kopota-potaannea. Sia in ki adí i Betuel, guranganea in ki Nahor bo ki Milka; ki Nahor tua ki guya-guyang i Abraham. Ki Ribka minayá in parigí tatua bo nomonu kon buyungnea, bodongka nobui.

KINOBAḺIAN 24:18

Mongodeaga tatua in notubag, “Ponginumdon, Amá,” bo baḷúneadon pinopoponag in buyungnea tatua nongkon obaganea, bo takin kokada-kadainea in buyung tatua inogoianneadon nonginum in bobantung tatua.

KINOBAḺIAN 24:19

Naonda in bobantung tatua nopaḷut nonginum; adí bobay tatua in noguman, “Akuoi in monangkobpa bui kon tubig sin poinum doman kon unta mita i amá, sinbá mosia in monginum doman modapot in moguḻí in yogang monia.”

KINOBAḺIAN 24:43

Akuoi in tantúpabí simindog mako kon diug in parigí tanaa. Aka tobatú mongodeaga mamangoi sin monangkob kon tubig, yo akuoi in moigum kon inia kon tubig inumonku.