KINOBAḺIAN 23:13 - Alkitab Singog In Mongondow Masa In Tanaa

¹³ bo takin kodongo-dongog in bayongan intau, sia in noguman kon i Epron, “Akuoi in mopoigum, indongogaipa in akuoi. Akuoi in moibog motaḷui kon bayongan in gobá tatua. Tarimadon in doit tanaa, sinbá akuoi in moḷobongdon kon i buḷoiku kon tua.”

KINOBAḺIAN 23:13 Referans Kwoze

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”

KOLOSE 4:5

Mokopobijaksanadon in mobiag moyotakin intau mita inta diá mopirisaya, bo pakédon kopira pomuḷoi oyúon in kasampatan.

SURAT I PAULUS KON JAMAAT RUM 13:8

Donaaidon monomboḻi kon onuka kon inekabí, táe moiko in musti mototabian. Sin intau inta motabi kon tumpaḷa intau, sia tua ain dinumudui kon bayongan hukum i Musa.

OUMAN IN RASUL MITA 20:35

Tua komintan in inaidanku sinbá moiko in moibog dumayan kon i nakó, sin aka kita in mogaid mokoporajing tua in mangaḻenea kita ain notuḷung kon intau mita inta nongoyangkó. Mustibí toropon mako in naa: ‘Mopi-piabí kon mobogoi dika in motarima.’ ”

SAMUEL 2 24:24

Táe ki datu in notubag, “Dika! Taḷuionkubí. Akuoi in doíbí moposumba kon i Tuhan Allahku in onuka inta tongá nouḻíku diá irorigaanmai.” Bo sinaḷuidon i Daud in tampat poḷoḻintogan kon gandum bo sapi mita tatua takin doit saḷaka ḻima nopuḷú.

KINOBAḺIAN 23:12

Dá ki Abraham in sinumungkudon kon tayowon intau mita in Het tatua,

KINOBAḺIAN 23:14

Ki Epron in notubag,

KINOBAḺIAN 33:19

Noiduduimai kon tua sinaḷuineadon in tampat tatua nongkon intau mita inta buí i Hemor, ki amá i Sikhem, boḻinea mogatut doit saḷaka.