KINOBAḺIAN 22:4 - Alkitab Singog In Mongondow Masa In Tanaa

⁴ Kon singgai intoḷunea kon binayáan inontongdon i Abraham in tampat tatua nongkon moyayú.

KINOBAḺIAN 22:4 Referans Kwoze

KORINTUS 1 15:4

Sia ain iḷobong, táe onda intua biniag bui kon singgai intoḷunea. Natua doman in pinais kon bonu in Buk Motusi.

LUKAS 13:32

Táe ki Yesus in noguman kon i monia, “Bayádon bo poguman kon intau tatua inta moibog momoguyaat kon tomayá i Allah, ‘Singgai naa bo ikoḷom akuoi in moguntun kon dimukud moraat bo mongundam kon intau mita notakit, táe kon singgai intoḷunea, Akuoi in mongingguputdon kon oaidan-Ku.’

MATIUS 17:23

Bo ḻimodon monia in Sia, táe kon singgai intoḷunea biagon bui in Sia.” Nokodongogmai kon tua norobonoḷ totok in gina in murí-Nea mita.

HOSEA 6:2

Kon bonu in doyowa andeka toḷu nosinggai naa Sia in monompiabí kon i naton, bo kita in mobiagbí kon siungon-Nea.

ESTER 5:1

Kon singgai intoḷunea kon pinopuasaannea, ki Ester in nogiḷambung in ḷambung bokí, bo minayá in palas kon bonu in komaḻig bo sinimindog kon tayowon in ngara in bobakidan. Ki Datu in ḻimitú mako kon ḷoḻitúannea sinumayow in ngara tatua.

DATU MITA 2 20:5

buipa bayá kon i Hizkia, datu in umat i Tuhan, bo potaau in koyow tanaa, “Akuoi, ki Tuhan, Allah inta sinumba i Daud mogoguyangmu, ain nokodongog kon sambayangmu bo nokoontongdon kon ḷuámu. Undaman-Kudon in iko; toumá in iko in mayádon kon Baḷoi-Ku.

SAMUEL 1 26:13

Bo ki Daud iḷumopot kon bingkí in ḷopá inta ibanea nodapot kon tudu totok in buḷud, bo noyayúdon in sia kon pinononḷoḷaigan i Saul.

YOSUA 1:11

sinbá moḻibu kon bayongan pinononḷoḷaigan in umat Israel bo nopotaau in parenta tanaa, “Posadia kon tongkaaḷ, sin toḷupa nosinggai nongkon naa bo moiko in mustidon ḷumoḷan kon Ongkag in Yordan sin mayá ḻimitú kon butá inta inogoi i Tuhan Allahmu kon inimu.”

PINOGIAPAN 31:19

Bo moiko komintan inta ain noḻimod kon intau andeka inta ain noḻiai kon intau minatoi in musti mogutun kon ḷuai in pinononḷoḷaigan pitu nosinggai in koonggotnea. Kon singgai nogintoḷu bo noginpitu moiko bo bayongan bobay inta sinokodakop monimu tatua musti momia kon upacara pondaritan kon awak.

PINOGIAPAN 19:19

Musti in sia momisik kon singgai nogintoḷu bo kon singgai noginpitu. Kon singgai noginpitu tatua nopaḷutdon in upacara ponusian kon intau inta nonajis tatua. Intau tatua musti momatá kon pakeangnea bo moinggú. Pangkoion kon tumoyop mata in singgai sia in modaritdon.

PINOGIAPAN 19:12

Kon singgai nogintoḷu bo noginpitu sia in musti mopotusidon in awaknea takin tubig in upacara; bain tua bo modarit in sia. Táe aka kon singgai nogintoḷu bo singgai noginpitu diá in sia mondarit kon awak, yo sia in umuranpabí nonajis.

PINOGIAPAN 10:33

Naonda in bangusa Israel nonaḷámai kon Sinai, buḷud i Tuhan, mosia in minayá toḷu nosinggai in koonggotnea. Poti Dodandian i Tuhan umuran diaan pouna kon i monia sin motayak kon tampat pononḷoḷaigan kon i monia.

IMAMAT 7:17

Aka kon singgai nogintoḷu bo oyúonpa in ki agatnea, dá ki agatnea tatua musti daiton tubáan.

IḶUAIAN 19:11

Toumá mosia in musti nosadiadon. Kon singgai tatua Akuoi in moponagdon kon tudu in Buḷud Sinai, kon tampat inta motaau poindoian in intau mita kon i-Nakó.

IḶUAIAN 15:22

Onda intua ki Musa nodia kon bangusa Israel nongkon Dagat in Gelagah nopobayá in padang gurun Syur. Toḷu nosinggai in koonggotnea mosia minayá nongin padang gurun bo diá nokouḻí kon tubig.

IḶUAIAN 5:3

Ki Musa bo ki Harun in noguman, “Ki Allah intau Ibrani ain nokipogontong kon inami. Ogoiaipa in kasampatan in kami mayá in padang gurun inta koyayúnea in toḷu nosinggai in bayáan sinbá motaau moposumba in kuruban kon i Tuhan, ki Allah nami. Aka kami diá mogaid kon tua, yo kami in ḻimodon-Nea in takit ande parang.”

KINOBAḺIAN 22:3

Nobangon monik doḷo-doḷompa, ki Abraham noniai kon kayu sin pakéon potubaan kon kuruban, kayu tatua sinogotnea mako bo pinopobaba kon keledainea. Sia in minayá takin i Ishak bo bobantungnea doyowa, mosia nopobayá in tampat inta pinoguman i Tuhan kon inia.

KINOBAḺIAN 22:5

Bo sia in noguman kon bobantungnea doyowa tatua, “Kon naadon kamunda takin keledai tanaa. Akuoi bo ki adíku in mayápa intua sin mosumba kon i Tuhan, buibí mamangoi in kami kon i namunda.”