KINOBAḺIAN 22:20 - Alkitab Singog In Mongondow Masa In Tanaa

²⁰ Ki Abraham koguya-guyang kon ḷoḷaki inta tangoinea in ki Nahor. Naonda in onu inta nobaḻí kon Buḷud in Moria tatua, ki Abraham in nokodongog kon ki Milka, ki buḷoi i Nahor aindon waḷu in ki adínea ḷoḷaki, naa in tangoi monia:

KINOBAḺIAN 22:20 Referans Kwoze

KINOBAḺIAN 11:29

Ki Abram in notonibuḷoi takin i Sarai, bo ki Nahor notonibuḷoi takin i Milka ki adí bobay i Haran. Ki Haran kogadípa kon adí ḷoḷaki ibanea, tangoinea in ki Yiska.

KINOBAḺIAN 24:24

“Ki amáku in ki Betuel, ki adí i Nahor bo i Milka,” tubag in mongodeaga tatua.

AMSAL 25:25

Motarima kon habar inta mopia nongkon ḻipú inta moyayú in naonda bo monginum kon tubig moonow kon dodai in morogang.

KINOBAḺIAN 31:53

Ki Allah inta sinumba i Abraham bo sinumba i amáku ki Nahor in mobaḻí hakim kon sigad natonda.” Bo ki Yakub nongibot pinodoyon kon i Allah inta sinumba i Ishak, ki amánea, sin dumudui mogaid kon dandinea.

KINOBAḺIAN 24:15

Kon dodai in sia yogotpa mosambayang tua, ki Ribka, mongodeaga tobatú inta totok in moḷunat bo diápa doman dodai onda in nosiug takin ḷoḷaki, noiangoidon kon parigí tatua kodia-dia in buyung inta kopota-potaannea. Sia in ki adí i Betuel, guranganea in ki Nahor bo ki Milka; ki Nahor tua ki guya-guyang i Abraham. Ki Ribka minayá in parigí tatua bo nomonu kon buyungnea, bodongka nobui.

KINOBAḺIAN 24:10

Bobantung tatua in nogamá kon unta mopuḷú takin noyagi-yagimai in barang inta koboḻi kapunyaan i tuangnea bo nobuat minayá in kotá tampat pinogutunan i Nahor kon tungkuḷ in nobiagpa; tampat tatua noiukat kon dotá in utuan Mesopotamia.

KINOBAḺIAN 11:26

Naonda in ki Terah umur pitu nopuḷú notaong, sia in nokouḻí kon adí ḷoḷaki taya toḷu: ki Abram, ki Nahor bo ki Haran.

KINOBAḺIAN 22:21

ki Us inta guya-guyang; ki Bus, ki ai-ainea; ki Kemuel, inta kon singgai noiduduimai nobaḻí ki amá i Aram;

KINOBAḺIAN 11:27

Naadon buí i Terah: Ki Terah ki amá i Abram, i Nahor bo i Haran. Ki Haran in kogadí kon adí ḷoḷaki, tangoinea in ki Lot.

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”