KINOBAḺIAN 22:14 - Alkitab Singog In Mongondow Masa In Tanaa

¹⁴ Tampat tatua sinangoian i Abraham “Ki Tuhan noposadia onu inta paraḷu”. Bo dapot in masai naa intau moguman “Kon tudu in buḷud-Nea ki Tuhan moposadia kon onu inta paraḷuon”.

KINOBAḺIAN 22:14 Referans Kwoze

KINOBAḺIAN 22:13

Bo ki Abraham nobobui bo nokoontong kon domba koḷakian tobatú kon tumineamai, Tungoi in domba tatua noikarit kon singsing mita. Ki Abraham minayá nogamá kon domba tatua bo dongka pinosumbanea kon i Tuhan saḷaku kuruban sinubá nobaḻí toḻiu i adínea.

IḶUAIAN 17:15

Bo ki Musa noposindog in mezbah tobatú bo sinangoiannea “Ki Tuhan in Banderaku.”

HAKIM MITA 6:24

Bo ki Gideon noposindog in mezbah tobatú kon tua bo sinangoiannea “Ki Tuhan Pangkoi in Kobiagan Motompia”. Mezbah tatua oyúonpa kon Opra, inta kotá intau in Abiezer.

KINOBAḺIAN 22:8

Ki Abraham in notubag, “Ki Allahbí in moposadia in tua.” Bo taya dua in nogingguputdon kon bobayáan.

SAMUEL 1 7:12

Nopaḷut mako kon tua ki Samuel noposindog in batu tobatú, kon pinosigadan in Mizpa bo Sen. Sia in noguman, “Ki Tuhan totu-totuudon notuḷung kon inaton.” – Bo batu tatua in sinangoiannea “Batu Pinotuḷungan”.

KINOBAḺIAN 28:19

Tampat tatua sinangoiannea Betel. (Koḻipod tangoinea Lus.)

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

YEHEZKIEL 48:35

Bayongan in dinding tatua kobanatnea in siow nopuḷú noribu nometer. Bo pinangkoi kon tanaa intau monangoi kon kotá tatua: “Ki Tuhan IN OYÚON IN KON TUA!”

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.

KINOBAḺIAN 32:30

Onda intua ki Yakub noguman, “Akuoi ain noyodungkuḷ noyopogotmai i Allah, bo akuoi nobiagpa.” Tuamai tampat tatua sinangoiannea Pniel.

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

MIKHA 4:10

Ei intau mita in Yerusalem, pomaḻikotadon bo karakdon naonda bo bobay inta mononggadí! Sin, tanaa moiko in mustibí monaḷámai kon kotá bo mogutun kon rawang. Moiko in mustibí mayá in Babel, táe kon tua poḷuatonbí i Tuhan in moiko nongkon musungmu mita.

KINOBAḺIAN 22:15

Komintanpa doman nongkon ḷangit malaekat i Tuhan nokuuk kon i Abraham,

SAMUEL 1 29:10

Manangka intua Daud, ikoḷom in moiko komintan inta ain nonaḷámai kon i Saul bo namangoi kon inakó, musti mobangon doḷo-doḷom bo ḷagi mobuat naonda in momuká in mata in singgai.”

DATU MITA IMITÁNEA 17:8

Onda intua noguman in ki Tuhan kon i Elia,