KINOBAḺIAN 21:9 - Alkitab Singog In Mongondow Masa In Tanaa

⁹ Kon singgai tobatú, ki Ismael, ki adí i Abraham bo ki Hagar, bobay in Mesir tua, koyogot moyambámai takin i Ishak, ki adí i Sara.

KINOBAḺIAN 21:9 Referans Kwoze

KINOBAḺIAN 16:15

Bo ki Hagar in nopononggadídon in adí ḷoḷaki tobatú, bo ki Abram ki amá in adí tatua nonangoi kon adí tatua ki Ismael.

GALATIA 4:29

Kon wakutu intua adí inta pinononggadí podudui kon ibog in intau, nomogutú kon adí inta pinononggadí podudui in ibog i Allah, dá natua doman in tanaa mako.

GALATIA 4:22

Kon tua ain pinais kon ki Abraham in kogadí kon doyowa: Inta tobatú nouḻínea kon i atanea, yo tobatú in nouḻínea kon i ibuḷoinea.

KINOBAḺIAN 16:1

Ki Sarai, ki buḷoi Abram tatua, diápa doman nokouḻí kon adí. Táe sia in kobobantung tobatú inta mongodeaga in Mesir tangoinea in ki Hagar.

OMBAḶ 1:7

Naonda in norumbun bo nororiga, Yerusalem in nokotorop kon singgainea dungkuḷmai, kon dodai in nobarongpa in kapunyaan; bo naonda in kinoḷoḷabú in intaunea kon bonu in kawasa in musung, bo diá tobatúmai in intau in namangoi notuḷung. Saturunea mita in tongábí kinumosing in nokoontong kon kinorumbunannea.

AMSAL 20:11

Nongkon oaid in adí yo kotaauan bidon mongo dodianea mopia bo motuḻid.

MAZMUR 42:10

Akuoi in noguman kon i Allah, mododuḷuku, “Nongonu sin kinoḻiongan-Mubí in akuoi? Nongonu sin akuoi in mustibí umuran mobaba kon roriga, popisí in doroton in musungku mita?”

MAZMUR 22:6

Mosia in nokuani kon ini-Mu bo pinosaḷamat-Mu; mosia in nongamang bo diá pinokudai.

TAWARIKH 2 36:16

Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

TAWARIKH 2 30:10

Naonda in totabá mita tatua minayá in kotá-kotáannea kon butá in suku Epraim bo Manasye nodapot kon utuan kinoouput in butá in suku Zebulon, mosia in kinosingan bo siningkuḻe.

IBRANI 11:36

Oyúon in irupa-rupamai, sinambok, sinogot in rante bo pinobonu kon ponjara.

KINOBAḺIAN 17:20

Táe duduian-Ku doman in oigummu soaḷ ki Ismael. Tuamai sia in barakatan-Ku bo ogoian-Ku in buí inta mobarong. Sia in mobaḻíbí doman mogoguyang in mopoḷú bodoyowá doman itoi in suku, bo buínea in baḻíon-Ku doman tobatú bangusa inta moḷoben.

AYUB 30:1

Táe tanaa akuoi in siningkuḻe in intau mita inta ai-aiku mita. Dungkuḷmai ki amá monia inanggapku diá patus moḷukad kon dombaku moyotakin in ungkú moḷoḷukad.

KINOBAḺIAN 21:8

Adí tatua in koḷoben-koḷobendon, bo kon singgai in sia ungkakondon kon teté, ki Abraham in nomia kon bobutungan moḷoben.

AMSAL 22:10

Untundon in intau inta moibog moningkuḻe, dá mogogaidon in ropatoi, sosaturuan bo mosipotaḷáan.