KINOBAḺIAN 21:33 - Alkitab Singog In Mongondow Masa In Tanaa

³³ Bo ki Abraham nopomuḷa in pangkoi in kayu tamariska kon Bersyeba bo nongkon dodaidon tatua tampat tatua pinakénea mosumba kon i Tuhan, Allah inta mononoi.

KINOBAḺIAN 21:33 Referans Kwoze

TIMOTIUS 1 1:17

Ki Allahbí tua in Datu inta nongkon pinomangkoianmai modapot in kopaḷutan in dunia naa, inta patus horomaton bo dayowon sin tongábí Sia in Allah inta mononoi, inta diá koontongan bo inta totobatú! Amin.

YESAYA 40:28

Umpaka dá iko in diá nonotaau bo diá nokodongog? Ki Tuhanbí in Allah inta mononoi, inta nomaḻí kon sinangkub in dunia. Sia in diábí kon dodai in onda in moḷopí andeka moḷungkoyó; raian-Nea in diábí motaau doḷopon.

MAZMUR 90:2

Kon dodai in buḷud mita diápa binaḻí, kon dodai in butá bo dunia naa diápa pinomia-Mu, Ikobí in ki Allah inta mononoi, diábí in pinomangkoian bo diábí in imbuitnea.

YEREMIA 10:10

Táe Iko, Tuhan, Allah inta mobanar, Ki Allah in mobobogoi in kobiagan, datu mononoi. Aka Iko tumorú, modandú in dunia, aka Iko rumogi yo bangusa mita in diábí mokotongod. (

SURAT I PAULUS KON JAMAAT RUM 16:26

Táe masai naa, podudui in parenta i Allah inta mononoi, tomayá tatua ain pinoniata bo ain pinotaau kon bayongan intau, inta pinongin onu inta ain pinais in nabi mita, sinbá mosia komintandon mopirisaya bo motoindudui kon i Allah.

KINOBAḺIAN 12:8

Nopaḷut mako kon tua sia nongingguputdon kon bobayáannea nopobayá in toḷatan, kon butá inta notombu-tombuḷud kon dotá in pomukaan kon kotá in Betel, bo nogaid kon ḷoḷaigan kon sigad in Betel bo kotá in Ai: Betel kon dotá in toyopan bo Ai kon dotá in pomukaan. Kon tua sia in noposindog doman in mezbah tobatú bo nosumba kon i Tuhan.

KINOBAḺIAN 4:26

Ki Set in kogadí kon adí ḷoḷaki inta sinangoian ki Enos. Kon tungkuḷ intuata intau nomangkoidon nonangoi kon tangoi Tuhan aka mosia in mosumba.

ULANGAN 33:27

Ki Allah in umuranbí mobaḻí mototuḷungmu, kokaḷ-Nea inta mononoi in motonoi kon i monimu. Sia in noguntun kon musung nongkon tayowon monimu, bo nopotabá kon i monimu noyopú kon i monia.

SURAT I PAULUS KON JAMAAT RUM 1:20

Pinangkoipamai in Sia nomaḻí kon dunia naa, sipat mita i Allah inta diá koontongan, ná kaadaan-Nea saḷaku Allah bo kawasa-Nea inta mononoi, kinotaauan bidon in intau nongkon bayongan inta pinomia-Nea tua, sahingga intau in diábí motaau in dumodia.

AMOS 8:14

Intau mita inta nongibot pinodoyon kon berhala in Samaria takin moguman, ‘Podoyon kon dewa in bangusa in Dan’, andeka ‘Podoyon kon i Dewa Bersyeba’ – in moḷabúbí bo diádon mobangon bui.”

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

HAKIM MITA 3:7

Umat in Israel binaradosa kon i Tuhan, ki Allah monia. Mosia nokoḻiong kon i-Nia nodapot in mosia nosumbadon kon berhala mita i Baal bo i Asyera.

ULANGAN 16:21

Aka moiko momia kon mezbah kon i Tuhan Allahmu, dika mogukat kon patong berhala kayu lambang i Asyera kon diugnea,

KINOBAḺIAN 26:33

Bo ki Ishak nonangoidon kon parigí tatua “Ibot”. Tuata in kinobobaḻí muna in kotá tatua sinangoian Bersyeba.

KINOBAḺIAN 26:25

Bo ki Ishak in noposindog in mezbah bo nosumba kon i Tuhan kon tampat tatua. Sia nomia kon ḷoḷaigan kon tua bo bobantungnea mita in nongaḻi kon parigí ibanea.

KINOBAḺIAN 26:23

Onda intua ki Ishak nobuat bo noiyaput kon Bersyeba.

IBRANI 13:8

Ki Yesus Kristus in diábí mobaḷu-baḷui, koḻipod, masai naa bo modapotkabí in kopaḷutannea.

KINOBAḺIAN 21:32

Naonda in mosia nomia kon dodandian kon Bersyeba, ki Abimelek bo ki Pikhol in nobuidon kon butá intau in Pilistin.

IḶUAIAN 15:18

Ikodon ki Tuhan, Datu, inta tantú momarenta.”

ULANGAN 32:40

Podoyon kon i-Nakó tontaní, ki Allah inta nobiag, tonggóon-Ku in ḻima-Ku bo mongibot:

MAZMUR 93:2

Pomomarentaan-Mu in noroton nongkon pinomangkoianmai, nongkon kinononoian oyúon in Iko.

HABAKUK 1:12

Tuhan, nongkon koḻipodpabímai Ikobí in ki Allah. Iko in ki Allahku inta motusi bo mononoi. Tuhan, Allahku bo moḷoḷukadku, bangusa in Babel tatua in piniḻí-Mu bo binaḻí-Mu noropot sin mohukum kon inami.