KINOBAḺIAN 20:2 - Alkitab Singog In Mongondow Masa In Tanaa

² sia in noguman kon ki Sara ki buḷoinea tua in ki ai-ainea. Tuamai ki Datu Abimelek inta nongkon Gerar nopotabá in totabánea sin modia mangoi kon i Sara poangoi kon inia.

KINOBAḺIAN 20:2 Referans Kwoze

KINOBAḺIAN 12:15

Tongonumai in pogawai komaḻig in nokoontong kon inia bo poḷat minayá nopotaau kon i datu kon totuubí moḷunat in bobay tatua; tuamai sia dinia kon komaḻig i datu.

KINOBAḺIAN 26:7

Naonda in intau mita kon tua noḻibó mongo ki ine in ki Ribka, ki Ishak noguman kon ki Ribka tua in ki ai-aineabí, deemanbí ki buḷoinea. Sin ki Ishak in moondok dika-dikabo intau mita kon tua moḻimod kon inia bo mogamá kon i Ribka inta moḷunat totok tatua.

KOLOSE 3:9

Dikadon mosiuboḷan sin ain sinaḷáan monimu in kobobiag koḻipod bo tabiatnea.

EPESUS 4:25

Manangka intua Utatku mita, dikadon moibog monguboḷ. Mokopojujurbí aka mobiag, sin kita komintan naa in tumpaḷabí anggota in awak i Kristus.

MOHOHUTUBA 7:20

Kon dunia naa in diábí in intau diá in bogit; diábí in umuran mogaid kon inta mopia bo diá kon dodai in onda in noiḷaut noiaid kon dosa.

AMSAL 24:16

Sin, umpaka intau motuḻid mopobui-buimai moḷabú, umuranbí in sia mobangon bui. Táe, aka intau moraat yo rimumudonbí in bodito.

TAWARIKH 2 32:31

Bo kon tungkuḷ in totabá mita inta nongkon Babel namangoi sin moḻibó kon inia kon kinopopia in takitnea inta mokoherang, ki Tuhan nopomayá kon i Hizkia nogaid tontaní, sinbá motaau monungkuḷ kon ginanea.

TAWARIKH 2 19:2

nabi tobatú inta ki Yehu in tangoinea ki adí i Hanani namangoi kon tayowon i datu. Nabi tatua noguman kon inia, “Degá patus in ki Tuang datu motuḷung kon intau moraat bo momihak kon intau inta mondoí kon i Tuhan? Oaid i Tuang tatua in nokopopisídon ki Tuhan sinumorú kon i Tuang.

KINOBAḺIAN 26:16

Onda intua ki Abimelek in noguman kon i Ishak, “Bayádon nongkon butá nami. Ikodon in mokawa-kawasa in kami.”

KINOBAḺIAN 26:1

Kon butá tatua nomukádon bui in malarat ná inta nokoimontandon in nobaḻí kon dodai i Abraham. Ki Ishak in minayá kon tayowon i Abimelek, datu intau in Pilistin kon Gerar bo nopoigum sinbá ogoinea mogutun kon tua.

KINOBAḺIAN 20:12

Bo totuubí kon sia tua in ki ai-aikubí. Kami in toamáan, táe noyoposi kon iná, bo kami in notonibuḷoi.

TAWARIKH 2 20:37

Táe ki Nabi Eleazer ki adí i Dodawa nongkon kotá in Maresa nobogoi in tompoingat kon i Yosapat, kainia, “Popisí in ki Tuang nomiadon kon yoyobayatan takin i Ahazia, ki Tuhan in morimumudbí kon oaidan i Tuang.” Dá norimumudon in kapaḷ mita inta ain pinomianea dá beresidon diá notaau iḷumeag.

KINOBAḺIAN 21:22

Kon dodai intua ki Datu Abimelek bo ki Pikhol, panglima in tontaranea, namangoi kon i Abraham bo noguman, “Ki Allah ain notuḷung kon inimu kon bayongan in yagi-yagi inta inaidanmu.

AMSAL 29:25

Moondok kon raian in intau, mokopoangoi kon roriga. Popirisaya kon i Tuhan, dá moamanbí in iko.

AMSAL 6:29

Tua in notongkaibí in mosiug takin buḷoi in intau ibanea. Ki ine in mogaid kon tua diábí kotaḻiban in hukuman.